حارستي الشخصية🗽مكتملة🗽

🗽الجزء 117🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء117:

كانت ميراي كتبدل في ليكوش لبنت وأسية كتلعب معاها...

أسية:اغغغ،ياختي ديك لفعى ولدت هادالجمال،يكون لي حملت منو زوين ههههه...

ميراي:ههههه هنتي تشوفي...

أسية:عويناتها بحال عوينات ماما الله يرحمها،سبحان الله...

ميراي:اممم "لبستها سريويل" مسكينة كفاش تخلات عليها ومشات حشوما عليها..

هزتها ميراي عندها وهي تمد ليها اسية رضاعة الحليب وجلست جنبها..

اسية:يمكن ماكانتش عندها أم بحال أم ديالنا،حنا من صغرنا تعلمنا هاد شي،ولادنا اهم ماعندنا..

ميراي:بقات فيا صراحة،وغالي بغا يسيفطها معرت فين،وانا نقول ليه خليها عندنا حتى تبان مها ماجاتش...

اسية:بصح،البنت ماذنبها والو..

ميراي:قالت ليا ريم رجعتي البارح مع سيف..

أسية:"بتوتر" اه اه مسكين رجعني وحاول يقول ليا مانخليش القصر،مي نتي عارفة راسي قاصح شويا...

ميراي:قاصح بزاااف..

أسية:"شافت فيها" ميراي شنو رأيك في سيف،يعني شنو نظرتك عليه؟

ميراي:سيف ظريف،ماكيختالفش بزاف على غالي حتاش يمكن ترباو بعيد على العائلة،سيف عكس ضياء،ضياء نوعا ما قاصح وماكيبينش أحاسيسو،ماكنظنش بلي سيف بحالو ويقدر يقول لي في قلبو دغيا،علاش كتسولي..

اسية:"كتشوف قدامها" مجرد سؤال...يمكن عندك الحق كيقول لي في قلبو..

بقات ميراي كتشوف فيها حتى دق الباب..

اسية:غنفتح..

وقفت اسية فتحت كان غالي..

غالي:عاليا..

عنقها ودخلو بجوج...

ميراي:واخيرا شرفتينا..

غالي:باز بحالا خديت لك اوكسجين معايا..

ميراي:بغيت غير الحليب وليكوش مالقيت لي يجيبو..

غالي:هادي من ساعتها لولى خاصها،هري نديها لشي جيحا كحلة...

بغا يقرب وهي توقف دغيا معنقة البنت...

ميراي:توو غتبقى هنا اغالي،راا تقرب ليها ولا تاخدها،عمرك مزال غتشوف وجهي كتفهم،علاش قلبك قصاح ماكنتيش هكا...

بقا غالي كيشوف فيها وهو يشوف في اسية وتنهد ومشا طلع...

كان واقف في السطح والرجال دايرين بيه هازين أسلحتهم...حتى خرج من الباب لابس كوستار ومبتاسم..

...:زارتنا البراكة اسي سيف سمعت بك بزاف..

شاف فيه سيف وهو يربع يديه..

سيف:دبا شنو،ماغاديش تسلم راسك؟

...:ههههه نسلم راسي،على شنو درت،"شاف في رجالو وخنزر" قتلوه..

مشا خارج حتى وقف مجمد على السلاح لي فوق راسو...

سيف:فين غادي...

دار شاف فيه مصدوم وشاف في رجالو طايحين في أرض...

...:ك ك فا ش؟

سيف:بسيطة،غنعاوضها لك كي الخرافة،درت ليهم المنوم في الماء ههههه...كي جيتك واعر ياك...

...:"شاف فيه" مايمكنش،انا كنت موجد لكولشي وحتى من فرقتك سيفطت ليها رجالي يقتلوهم..

سيف:"بعد عليه ومزال هاز عليه السلاح" توو،رجالك مشاو لبلاصة خاوية،وكنظن فرقتي شدتهم...هداك لي كيوصل لك الخبار حنا لي قلنا ليه اش يقول...

بقا لاخور كيشوف فيه وهو يجبد موس من وراه وخشاها في ذراع سيف حتى طيح السلاح ومشا هربان..

سيف:ااع الله يلعنك.."ورك على وذنو في ليكيت" رااه نازل شدوه قبل مايهرب..

جبد الموس من دراعو وهو يلوحو جنب وشاف الجرحة وهز السلاح مشا كيجري نازل...
بعد مانتاهت المهمة وقدرو يشدو راس الحربة تاع المافيا...
مشا سيف اول حاجة لمقر يسلم التقرير النهائي..

دخل عند شاف ديالو الكبير...

..:سيف..

سيف:"لاح الملف بالرديخ" صافي مليت من هاد شي..

...:اش واقع...

سيف:كتسيفطوني غير الموت،واش كنبان ليكم غيى أداة..

....:"وقف تقابل معاه" ماشي هكاك،ولكن نتا أقوى واحد في فرقتك،قادر تخدم دماغك...

سيف:بركا،زدتو فيه...كون مت تماك،وكون المنوم ماخدمش فين نوصلو..

....:"هز حاجبو" سيف،ماشي اول مهمة لك،كنتي كتواجه الموت كتر من هاد شي،ولا ياك ما وليتي باغي تعيش..."قلب سيف وجهو" فهمتك...نتا كتبغي شي وحدة ياك...

سيف:"شاف فيه" ماكاين والو من هاد شي..

...:انا عارف بلي بينك وبين بنت خالك علاقة..."هبط سيف راسو وورك على يدو" سيف ماتحرمش راسك لهاد درجة،بصح خدمتك خطيرة ولكن ماكيعنيش ماتزوجش وتأسس عائلة...

سيف:"بسخرية" نأسس عائلة؟"شاف فيه" كنبان لك واحد قادر على العائلة..

...:سيف،بين فك ماكرهتيش تزوج بيها،علاش مخبي...را سنين وحنا خدامين مع بعضياتنا..

يتبع...