حارستي الشخصية🗽مكتملة🗽

🗽الجزء 88🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 88:

ميراي:هيء هيء..

انهار:أش واقع اصاحبتي،مخلياني نجي عندك بطنوبيل تاع البوليس اصاحبتي ياك لاباس..

ميراي:هو ضربني هيء هيء...عمر غالي هز عليا حتى صوتو واليوم هزو وهز حتى يدو هيء هيء...

انهار:بغيت غير نفهم،يله البارح تزوجتو وغطيرو بالفرحة واليوم مضاربين،اش وقع؟واش ايملي؟

ميراي:كولشي،تعرم علينا كولشي هيء هيء،كاع لي كان مخبيه في قلبو اليوم قالو...انا شنو كندير اانهار "شافت فيها" وااش الحب كيأدي لهاد درجة...

أنهار:"شدت يدها وهي كتسوق" ماعندك ماديري اختي،هذا مكتابك،وخا كتبغو بعضياتكم ولكن العقبات ماكتحيدوش من طريقكم..."وقفت" نزلي نزلي...

نزلت انهار وحلت انهار لباب داخلين..

انهار:ماما نعستي..

سحر:"نزلت عندهم" انهار اش جابك؟

انهار:ماما ميراي غتبات هنا،"شافت في ميراي" عندي خدمة،غنمشي دبا..

ميراي:وخا ختي عذبتك معايا...

انهار:ماتقوليش هكا...يله تصبحو على خير..

مشات انهار خرجت وهي تقرب سحر لميراي وشافت حنك ميراي لي مطراسين فيه صبعان...

سحر:اويلي شكون دار فك هاد الحالة ابنتي..

ميراي:"عنقتها" هيء هيء عيت اخالتي...

سحر:"كدوز يدها على ضهر ميراي" ششس ماتقوليش هكا،ربي كبير،عاودي ليا شنو وقع...

ميراي:"بعدت" ماقدراش بغيت نعس عفاك..

سحر:وخا تعالي نديك لبيت...

مشات طلعتها لبيت أنهار وعطاتها بيجاما،مابغاتش تعشا وخلاتها سحر على راحتها...بدلت ميراي وتلاحت فوق سرير كتبكي..

ميراي:ماما هيء هيء،أخر أيامي وليت نتضرب اماما هيء هيء...كولو بسباب قلبي هو لي دارها بيا...

🌐عند غالــي🌐عند غالــي

كان جالس في الجردة حتى جلس حداه...شاف فيه غالي وشاف قدامو...

غالي:أش جابك؟

سيف:قالو ليا رجالي نادت الحرب في القصر،جيت نشوف أش واقع...ياك لاباس؟

غالي:مالاباس والو...مالاباس والو اسيف،عيت...

سيف:واش تخاصمتي مع ميراي؟عاد قبل يومين قلتي ليا ناوين تزوجو وتكملو زواجكم وقلتي بزز باش قبلت...

غالي:وتزوجنا،تزوجنا غير البارح...

سيف:اييه؟واش وقع اليوم؟