حارستي الشخصية🗽مكتملة🗽

🗽الجزء 98🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء98:

حلت عينيها على يدو وهي تشوف فيه كتحكهم..

ميراي:غالي..

غالي:صباح نور..

ميراي:"دورت عينيها وهي في البالكو وشافت فيه" يله رجعتي؟

غالي:"حك جنب جبهتو بصبعو" بقا الحريق شادها وديتها لكنينيك..

ميراي:اها؟"وقفت"

غالي:يله جيت..واش بتي هنا؟

بقات ميراي كتشوف فيه فكرة ظل معاها ليل كلو وفي الكنينيك خلات دمها كيغلي...مشات دخلت لدريسينغ خلاتو واقف متبع ليها العين وتنهد وحط تلفونو وهو يجلس كيشوف قدامو في الغابة...
خرجت على صوت تلفونها وهزت جاوبت ودارت الكيت بلوتوت في وذنها وجلست كتقاد في وجهها..

ميراي:وي سلمان..

غالي غير سمع سلمان وقف وبدا كيقرب كيسمع ليهم..

سلمان:قلتي لبنات غدربو برا...

ميراي:وي،عند البحر...

سلمان:ماعرفتش اش باغا ديري ولكن وخا..قولي ليا فين نكون حتى انا معاكم..

ميراي:بلاما تعذب راسك..

سلمان:البنات مسؤوليتي ضروري نحضر،قولي فين..

ميراي:ماغنعرفش نقول لك العنوان..

سلمان:دونك ندوز عندك نمشو مجموعين..

وقفت ميراي بيدها مجمدة فاش قال ليها نجي نديك وهي تكمل دارت الغلوز...

ميراي:غنرسل لك العنوان،بسلامة..

قطعت وحطت الكيت وهو يوقف وراها وحط يديه على كتافها وورك عليهم..

غالي:شكون سلمان؟

ميراي:"شافت فيه" وقت غيجي غتعرفو..

وقفت هزت تجاكيط كتلبس فيها وهو حاضيها وكيشوف في داك الميني بوط...جرها من دراعها حتى تقابلت معاه..

غالي:على قلت الحويج كتلبسي هادو؟

ميراي:"قربت ليه" لا باغي نبداو بالخصام على صباح مرحبا...

بقاو كيشوفو في بعضياتهم وهو يسد ليها التجاكيط وطلع ليها السنسلة وهي كتشوف فيه...

غالي:اخر مرة..

مشا دخل لحمام رادخ الباب وهي بقات واقفة مخنزرة وهزت شكارتها وخرجت رادخة الباب...نزلت لتحت تلقات مع ريم..

ريم:صباح الخير..

ميراي:صباح خير..

دخلو لصالة أكل جلسو حتى بدات العائلة كتجمع...كيفطرو في هدوء حتى كسرو كلام ريم..