حارستي الشخصية🗽مكتملة🗽

🗽الجزء 83🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء83:

دخل كيشوف فيها في البالكو وهو يقرب وعنقها من لاور وغمض عينيه خاشي وجهو في عنقها....

غالي:ماتعصبيش...

ميراي:عائلتك صعيبة،والخاطر ماكيخدمش معاهم...

غالي:نسايهم،"دورها قبالتو" كون ماكانت المناقصة لي مهمة لجدي كون سافرنا....

ميراي:ماشي مشكيل..

بقا غالي كيشوف فيها وهو يقرب بغا يبوسها حتى بعدت...شاف فيها هاز حاجب ومهبط تاني...

ميراي:شنو رأيك تمشي دبا...تافقنا تبات مع ايملي...

غالي:واش نتي كضحكي معايا؟را تزوجنا اليوم زعما..

ميراي:"حطت يدها على دراعو" يله تحرك...

بقا غالي كيشوف فيها وهو يخنزر ومشا خرج رادخ الباب...بتاسمت وشدت في حديدات لبالكو..

ميراي:تحرق شويا،انا ماسهلاش لك اسي غالي...

دق الباب وهي تمشي حلتو...

ميراي:ريم دخلي...

دخلت ريم وحطت قرعة الماء وجلست...

ريم:جلسي نهدرو..

تنهدت ميراي وجلست..

ريم:"شافت فيها" واش عارفة لي كديري فيه ولا لا؟

يله غتهدر ميراي رجع الباب دق ونادت حلتو...

الخدامة:مدام،انسة أنهار برا...

ميراي:طلعيها عندي..

حركت الخدامة راسها ومشات..شويا جات انهار سلمت عليهم وجلست...

أنهار:كنت غادة دار قلت نجي نشوفكم صباح ماتشاوفناش كيف الناس..

ريم:يله لقيتينا غنهدرو..

انهار:شنو واقع؟

ريم:واش نتوما صاڤا،راااك أميراي تزوجتي وجيتي ضرة على وحدة خرى...

ميراي:عارفة "تنهدت" ولكن راا اصلا تزوجنا قبل شنو اختلاف دبا...وخا نرفض ولكن شرعا غالي راجلي...

انهار:دبا شنو واقع؟

ريم:شفت غالي دخل لبيت تاع مرتو لولى عرفتي اش واقع...

انهار:شنو؟

ميراي:انا لي قلت ليه يمشي عندها...هي في شهرها لخر وكيخص لي يبقى معاها بليل..

انهار:اويلي،مسيفطا راجلك عند مرتو لولى ينعس معاها،واش نتي مريضة..

ميراي:انا كنتيق في غالي..

انهار:ومن بعد...واش كتيقي في ديك المراا اممم؟

شافت فيها ميراي وخرجت عينيها عاد ستوعبت...