حارستي الشخصية🗽مكتملة🗽

🗽الجزء 30🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء30:

غالي:شنو دبا...حتى بفلوسك ماقدرتي دير والو...

جد:داك الوكيل غير شد الكونجي وخرج برات الرباط...

ماريا:"بسخرية" شتو تشوهنا وغادي تشوهو كتر في العرس غذا...عرضنا على نااس كبار في البلاد كفاش غنعلموهم بلي مابقا والو..

غالي:ماتخافيش ضياء غيخرج وغادي يتم الزواج وماتشوهوش...انا غادي نقلب على هاد الوكيل..."شاف في زكرياء" شوف منصف فين هو علمو...

زكرياء:وخا..

مشا زكرياء خرج...طلع غالي لبيتو وهو يشوف فيها جالسة كتفرج وماخاصها حتى غير وماكلة دايرة بيها...ماهتمش ومشا جبد سروال تجين أسود مع لافيست بأسود وتريكو طالع من العنق بأسود...لبسهم ولبس سبادري وهز ساعتو كيدير فيها وكيشوف فيها من المرايا...

غالي:ماتخرجيش برا...وأفضل حاجة ماتبينيش وجهك كاع...وسمعي "شاف فيها كانت كتشوف فيه" قللي من ماكلة تاع الزبل ماتمرضيش ليا ولدي او بنتي بديك الماكلة...

مشا خرج مخليها غير كتشوف...نزل لتحت وهو يلقاهم واقفين...

منصف:انا هدرت مع معارفي غادي لقا فين مسافر...

غالي:وخا...

شاف في ميراي لي كتشوف فيه...

زكرياء:نمشي معاك..

غالي:بلاش.."شاف فيه" هدن عمتي وراجلها ماكاين لاش يبقاو مقلقين هكاك مجرد سجن مايموتش لا بات ليلة...

زكرياء:انا ماخايفش على ضياء هو قاد براسو...كنفكر في غذا لا ماخرجش كفاش نشوفو في وجه الناس وجدي يموت فيها...

غالي:"قرب ضرب على كتفو" جدك مايوقع ليه والو...يله بسلامة...

حرك زكرياء راسو ومشا غالي خرج هو ومنصف وميراي معاه...وقف غالي كيشوف فيه حتى جا منصف ميساج...

منصف:في ***...

غالي:فين جات هادي؟

منصف:برات الرباط في...

ميراي:انا كنعرفها.."شافو فيها وهي تربع يديها" نديك؟

شاف غالي في منصف وجرو من ذراعو مبعدين من ميراي...

غالي:خلي عينيك على هديك لي الفوق...

منصف:ماتخافش...ورد البال لراسك...

غالي:ماتخافش "شاف في ميراي" هي معايا...

منصف:"شاف في ميراي وشاف في غالي" عارف ولكن ماتبقاش تنقدك دائما...

غالي:حتى نتا كان مجرد سائق شكون يبان كااع...على أي غنمشي دبا...شوف بغيت كاع المعلومات على داك الوكيل...