حارستي الشخصية🗽مكتملة🗽

🗽الجزء 95🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 95:

🌐عند أنهار..

خدات كاس القهوة وجلست في الجردة كتشرب فيها وهي تجبد تلفونها شافت بلي زكرياء ماتواصلش معاها اليوم...تنهدت وهي تغمض عينيها...

أنهار:زكرياء..

حست بشي حد جلس حداها وهي تشوف فيه دغيا..

كريم:فاش ساهية؟

أنهار:"بتاسمت" والو..

كريم:كملنا مناوبة،نتعشاو أنسوبل؟

أنهار:اممم علاش لا،ولكن شوف باش تعرف معزتك غادي تعشا عندنا في الدار ماما غتفرح...

كريم:بطبع مانرفضتش،توحشت طياب الأم...

أنهار:يله وقف...

وقفت ووقف نادو مشاو وكريم عاجبو الحال...كان زكرياء حاضيهم بالطنوبيل من بعيد كفاش فرحانين وهو يخنزر وديمارا الطنوبيل...وقف قدام دار أسماء ونزل دق الباب حتى حلت ليه الباب وهو يهز عينيه فيها وهي لابسة ديك الكسوة الخضرا سماطي...جرتو حتى دخل وسدت الباب...

🌐في القصر..

غالي:ميراي؟

دخل لبيت كيقلب عليها مالقاهاش...شاف تلفونها محطوط وهو يتنهد ومشا بدل لبس كيطما ومشا خرج نزل...شافهم كيقادو الطاللة لعشا ومشا دخل لصالة..

غالي:سلام..

الكل:سلام..

دور عينيه عليهم وهو مزال واقف...

ريم:لا كتقلب على ميراي هي في الجردة...

شاف فيها وحرك راسو مشا خرج...شافها واقفة كتكمي..
حتى قال نساتو رجعت ليه...مشا عندها عنقها من لاور وهي غير حست بيه طفات الكارو...

غالي:طفيتيه بلاما نقولها؟

ميراي:مرضى القلب ماكيخصهمش يشموه..."خر غالي عينيه وهي تحط يدها على يدو ومزال معنقها" صعيب نقطعو صبر عليا..

غالي:كنتي فاهمة كولشي..

ميراي:أنا ماشي أمية..

تنهدغالي وهو يدورها قبالتو حتى تقابلت معاه...

غالي:انا بيخير..

ميراي:شنو لي بيخير اغالي،مزال تحاليلك ماخرجوش،وشنو لا بصح كنتي مريض،ربي جا من جيهتك البارح ولا تعاود نفس شي،"طاحو دموعها" ولا ماكان معاك حتى واحد...واش غنخسرك حتى نتا؟

غالي:ميراي...

ميراي:هيء هيء امتى نرتاحو اغالي..

غالي:قريب،كنواعدك قريب "جرها عندو معنقها" غنحل كولشي فقط كيخص الوقت ونصبرو...كيخصني لقا طريقة تخلي جدي يتنازل على ايملي باش نطلقها...