🗽حــــارستـــــي الشخصـــــــي🌾
✍️بقلمــي:أميمـــــة بوكنشــــو
🩸الجــــــزء 94:
ريم:ضياء..
حلت الباب بلا دقان فرحانة حتى خرجت عينيها وهي كتشوف في أسمهان واقفة عندو وقريبة ليه...شافو فيها...
ريم:سمح ليا،ماكانتش سكرتيرة برا...
وقف ضياء مبعد من أسمهان وتاجه عندها...وقف رضا لي كان معاهم...
رضا:نمشيو دبا،انسة اسمهان يله..
اسمهان:مزال ماكملنا..
ضياء:"كيشوف في ريم" سالينا،خرجو بغيت نهدر مع مرتي..
جر ريم عندو وهي تخنزر اسمهان وهزت الملفات وخرجت هي ورضا...سد ضياء الباب وشاف فيها..
ضياء:أش جابك؟
ريم:"مشات حطت ساكها فوق المكتب" كون ماكانش معاكم شخص 3 كنت غنقول كتخوني...
دارت عندو وهي شادة في المكتب متكيا عليه...قرب منها وهو يحط يديه على البيرو وقرب منها..
ضياء:الخيانة مامعناش الغزالة...لا بغيت كاع نكون مع أسمهان او أي وحدة غنجيبها قدام عينيك وفي فراشك ونتي كتشوفي..
بقات ريم كتشوف فيه وعينيها دمعو...
ريم:ناوي تخوني؟
ضياء:لا بقيتي على حالك ممكن...حتى حاجة مابعيدة..
ريم:هااء؟"ضربتو لصدرو" كفااش حاالي...
ضياء:علاش معصبة غير ضاحك..
ريم:"دفعتو" بعد عليا انا لي حمقة جيا عندك...
هزت ساكها بغات تمشي وهو يشد يدها مرجعها عندو وشاف دموعها لي هبطو...
ضياء:نتي غير على سبة..."هز يدو مسح دموعها" غير ضاحك واش شايط عليا راسي لي جات نتلاح عليها هههه...
ريم:"شافت فيه" رجال كيف كيف...
ضياء:اممم كنظن غالطة..ماشي كولشي كيف كيف،ممكن شي حد عندو برود في الاحاسيس..
ريم:بحالك..
بغات تممشي وهي توقف وشافت في يدو لي شادة يدها وشافت فيه...
ضياء:تعالي بركا من تبوهيل وقولي ليا أش جابك..
تكا على البيرو وربع يديه كيشوف فيها...تنهدت وشافت فيه...
ريم:خديت عرض نقدم برنامج...والموضوع "بتاسمت" يكون من اختياري..غنولي مقدمة برامج شنو رأيك نقدر نعطي في هاد الميدان؟وخا بزز خديت العرض حتاش مزال صغيرة...
ضياء:"بتاسم" تقدري تعطي علاش لا،ولعمر ماشي محدد لشي حاجة...اوا شنو قررتي في الموضوع؟
ريم:عطيني مهلة أسبوع لا قدرت نجيب موضوع كيستحق غادي يعطوه ليا ولكن لا ماقدرتش غادي يمشي ليا العرض لشخص أخر...
أنت تقرأ
حارستي الشخصية🗽مكتملة🗽
Romance💎مكتملة💎 قصةبعنوان: #حارستــــــي_الشخصيــــــة🗽 🩸تقديـــــــــــــــــــم: تغيــرت..؟!!!! ومــن فينــا لــم يتغيَّــر ! الظُــروف تغيرنـــا ، فـــراق الأصدقــاء يغيرنــا ، مــوت شخــص عــزيز ع...