حارستي الشخصية🗽مكتملة🗽

🗽الجزء 175🗽والأخير🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء175:

#حلقة_خاصة_للمعجبات❤️

كانت جالسة في مكتبها كتجمع في أمورها تاع البيسي وكتب وملفات في كرطونة حتى وصلها ميساج وهزت تلفونها ودخلت لأنسطا كتشوف في صور غالي وميراي والعرس والحفلة الكبيرة لي دارها لمرتو...بتاسمت بسخرية..

مارسلين:صافي خسرتك...

تحل الباب ودخل وهي هزت عينيها فيه..ونطق بصوت رجولي بلغة انجليزية..

"ساليتي؟"

حركت راسها بايجاب وهو يقرب هز الكرطونة وتم خارج حتى هدرت موقفاه...

مارسي:ممكن سؤال..."شاف فيها شوفة تاع شنو" علاش غذرتي غالي وتزوجتيني...علاش تزوجتي بحبيبة صاحبك؟

بتاسم ونزل راسو ورجع شاف فيها...

"غالي عزيز عليا...ولكن حتى نتي عزيزة ويمكن كتر منو...وخا كنتي حبيبتو ولكن انا بغيتك قبل منو..."خرجت عينيها حتاش اول مرة تعرف مشاعرو" بغيتك قبل ماتولي مع غالي وتحكمت في راسي حتاش بغيتيه...ولكن وقت الحياة عطاتني فرصة مابغيتش نضيعها...وحتى دبا ماغنضيعهاش..ولكن واش ممكن نتي تعطيني فرصة؟واش ممكن مايبقاش زواجنا فقط في الوراق؟"

مارسي:كفاش؟واش كتهدر بصح دبا؟

بتاسم وعطاها بضهر...

"غالي حتى هو كان عارفني كنبغيك...وانا مزال كنبغيك أمارسلين...ومزال باغيك بكاع ماضيك الخايب والزوين...ولكن لك اختيار...نكون شي حاجة في حياتك من غير صديق...او مانبقى والو في حياتك"

مشا خرج وهي جلست فوق الكرسي مصدومة بكلام لي سمعتو...هزت تلفونها بيديها لي كيترعدو وهي دوز أبيل لغالي...ولكن قطع عليها...وبغات تعاود لقاتو بلوكاها...طاحو دموعها وشافت في الباب وهي توقف كتجري حتى شافتو غادي وغوتت حتى وقف وشاف فيها...

مارسلين:"بصوت مسموع" غنحتاج الوقت..

بتاسم وهدر بصوت رجولي خفيف..

"مازربانش...فقط عطيني راسك"

بتاسمت ومشات كتجري وهو حط الكرطونة وتلاحت معنقاه...

مارسي:ممكن نخسر غالي وألف غالي...ولكن نتا لا...نتا صاحبي وخويا وباا...نتا كولشي بالنسبة ليا...عفاك بقا بجنبي وماتخلينيش..

بادلها العناق بقوة..

"عمرني نخليك...حتاش كنموت علك"

بعدو على بعضياتهم وهو يمد يدو وشدت فيه...

"واليدينا يفرحو دبا ههههه"

مارسلين: ههههه اه..

هز الكرطونة وخرجو من الشركة وهنا تقفل حب غالي ومارسلين وكل واحد بدا حياتو مع شريك مناسب ليه...
والقلب المجروح من الحب مايداويه غير الحب ومني االله كيعطيك فرصة ماخصكش ضيعها حتاش ماكتعاودتش...
مارسلين خرجت من حياة غالي وميراي وقدمت استقالتها باش ماتفسخش الشراكة بين أمريكا والمغرب وهذا بعد ما الجد شافها وطلب منها هي لي تمشي...