حارستي الشخصية🗽مكتملة🗽

🗽الجزء 29🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 29:

شافت فيه وهي تبتاسم...تكلمت في خاطرها بلاما تحس...

ميراي:صوتو ادمان...

غالي:مالك؟فين ساهية...

فاقت ميراي من سهوتها دغيا وهي تهبط عينيها...

ميراي:والو...انا كنظن غنمشي..

غالي:فين؟

ميراي:"كدور في عينيها" فين...احمم عند منصف اه منصف...

شافت فيه دغيا وهبطت عينيها غادة وهو متبع ليها العين...خوا سلاح وهو يبتاسم...

غالي:جمالها فتان بجميع حالاتها..

رجع عمر السلاح وقاد القراعي زاج وبعد كيصوب جيهتهم...

#عنــد_ضيــاء...

كان خارج من المحكمة بعد ماسالات المحاكمة وصحافة برااا...دارو بيه وهو يوقف مانع لكارد من تدخل...

صحفي١:سي ضياء شنو وقع بالقضية؟

ضياء:ربحنا..

صحفي٢:ولكن كفاش؟

ضياء:هادي خدمتكم ماشي خدمتي...

بتاسم بسخرية وبغا يمشي حتى وقفتو بسؤالها...

ريم:سي ضياء الدين الوزاني "وقف مجمد من صوتها ودغيا حرك عينيه قبالتها" محاكمة مزال مطولة او لا...علاش واتق بلي غتربح؟ "قربت منو وهو مركز عليها وكاميرا كتصور فيهم" واش حتاش هددتي البنت باش دير تنازل؟..

ضياء:"مصغر عينيه"امتى كان هاد شي؟

بتاسمت ريم وهي تجبد تلفون وخدمت تسجيل الصوت على لقطة وقت ضياء هدر على المجتمع لجميلة وكولشي كيسمع..ورك ضياء على يدو وهو مخنزر فيها تخنزيرة الموت...

ريم:هاد شي كافي؟

صحفي٣:واش بصح هددتي البنت..

صحفي٢:سي ضياء هاد شي لي درتي كيتعتابر جريمة وكيخص القانون يدخل ومايبقاوش المحامين الفاسدين بحالك يستغلو نفوذهم بطريقة غير قانوتية هكا...

ريم:صبرو "ربعت يديها وهي كتشوف في ضياء" ماتخافوش هاد تسجيل وصل لبوليس شحال هادي...

بوليسي من لاور: سي ضياء تفضل معانا لمركز شرطة...

شاف فيهم ضياء من ورا صحافة وشاف في ريم...قرب منها وهي تبعد خطوة لاور...

ضياء:غنتفاهمو...

بتاسمت بسخرية وهو يضرب فيهم...شاف في بوليسي..

ضياء:غركب في طنوبيلتي...

شرطي:ولكن..

ضياء:"قرب منو" وقفني نشوف...

ضرب فيه ومشا ركب في طنوبيلتو وتحرك بيه لكارد...هز تلفونو صونا لرضا...