حارستي الشخصية🗽مكتملة🗽

🗽الجزء 138🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء138

🌐عند ريم وضياء...

كانت متكية فوق السرير على دراعو وهو متكي جنبها وشاد التلفون كيتواصل على قبل الخدمة،حتى تكات على كرشها قربت لوجهو وشعرها البني طايح جنب...

ريم:ضياء..

ضياء:"كيشوف في التلفون" اممم..

شافت فيه كيشوف في التلفون وهي تخطفو من يدو..

ضياء:لا لا ريم كنقول ليهم شي حاجة مهمة محتاجها غذا في محكمة...

بقات كتشوف فيه وهي تعطيه التلفون وخداه،هبطت شفايفها ورجعت لجيهتها وجرت عليها الغطا عطياه بالضهر...شاف فيها ضياء بنص عين وكتب اخر ميساج سيفطو وحط تلفون جنب وهو يقرب حط دقنو على كتفها كيشوف فيها مغمضة عينيها..

ضياء:تبغي نهدرو؟

ريم:فيا النعاس،بعد..

ضياء:ريم...

ريم:قلت لك بعد..

حلت عينيها وشافت فيه مخنزرة وهو يتنهد وبعد عليها ماباغيش يكبر المشكيل وتكا وطفا الضو،وهي بقات حالة عينيها،كتفكر ليلتهم لولى ولخرى لي دازو أيام كتر ومابقا والو ويكملو شهر ومزال مارجع لمسها...غمضت عيينيها حتى هبطت دمعة مع عينها..كتفكر أش وقع...

♻️فلاش باك...

خرجو منها وهو يشوف في المعلم وشاف فيها وهي تشوف فيه باستفسار حتى تقادت في الجلسة وشافت تحتها،ماكان لا دم لا والو...

ريم:ضياء "شافت فيه بعينين مدمعين" انا..

قرب منها معنقها وهي شدت في كتفو...

ضياء:شش ماسولت على والو...

ريم:كنحلف لك عمر شي حد قاسني،هيء هيء والله،عمرني اصلا عرفت شي راجل "تقابلت معاه كتبكي" كنحلف لك هيء هيء...

ضياء:شش ماقلت والو اريم،انا عاارف صافي،واش انا جاي من عصر الجاهلية،صافي نساي...

بقات كتبكي وهو يجرها عنقها وتنهد...

ريم:كنحلف لك اضياء..

ضياء:ريم "بعدها وهدر معصب" قلت لك ماكيهمنيش،بركا من بكا ندمت حتى لمستك...

ناد وقف دخل لحمام وهي جرت عليها ايزار كتبكي...دخل لدوش ورجع خرج شافها مزال كتبكي وتنهد ومشا حداها..

ضياء:ريم،حبيبتي بركا على عويناتك عفاك،انا تايق فك وعارف حتى واحد مالمسك وهاد شي رااه عادي...

ريم:"شافت فيه" ماشي عادي،انا ماتسنيتش هاد شي هيء هيء شنو يوقع لل فكرتي فيا بالعاطل...

ضياء:اشمن عاطل ولا غيرو اريم،بركا حبيبتي من تفكير ونودي دوشي،زعما راك قارية وواعية هاد شي ماشي شي حاجة دبا،درتي من حبة قبة...

بقات كتشوف فيه وهي توقف لوات عليها ايزار وشافت فيه...

ريم:ماغتفهمنيش هيء هيء...

مشات دخلت لحمام وهي طيح لأرض كتبكي،أكيد مايفهماش،تربات وسط مجتمع دم العذرية هو المهيم،شنو يوقع لا تخاصمو شي نهار،غادي يقول عليها كلام عاطل فقط حتاش مادازتش دوك القطرات دوك الدم....

ريم:بابا،ماما،كون كنتو معايا مانخافش هيء هيء...

♻️نهاية...

🔆أصبح وأصبح الملك لله...

هز غالي المخدة حطها على وجهو من بكا ملاك،وقفت ميراي هزت بينوار تاع نعاس الجنب هزتو لبستو وهزت تلفون أرضي علمتهم يسيبو الحليب...

ميراي:"كطل على ملاك" فاقت حبيبتي هههه...يخليلي ياك..

باست لويداتها الصغار...وهزتها كتراري بيها حتى جابو ليها الحليب وخداتو كتشربو ليها وتكاتها حدا غالي..هزت يدو حتى شد الرضاعة وهو يبعد المخدة وشاف فيها عاقد الحداش ومخسر ملامحو..

غالي:شنو؟

ميراي:خليها تشرب الحليب فيها الجوع غندخل ندوش...

تنهد بضيق وحرك راسو وهي نادت دخلت لحمام...شاف في ملاك ودار يدو على راسو مكالي بيها وهو شاد رضاعة بيد تانية...ومزال عاري من الفوق...

غالي:بنتي،كتعيييو مواتكم بزاف،وحتى اباء ماتخليش مك وباك ينعسو ليل كلهم وهما كيحرتو على خوتك،ولكن غير بلاتي يتزادو خوتك ونشكي بيهم علك..."تنهد" شنو ندير دبا ابنتي،عمتك دارت مصيبة كي نقدر نحلها دبا،كيخصني نهدر معاها ياك..."قرب باس جبهتها" ولكن ماتخافيش غنهناو منو عما قريب...ماتشقيت مك بزاف راها حاملة وباباك حتى هو كيعيها بليل هههه...

ميراي:اش كتقول لبنت نتا؟

خرجت لابسة سروال فضفض بأزرق وقاميجة بألوان مختالفة وجامعة شعرها لفوق،قربت وهي كضرب في طالونها في أرض...

ميراي:اش كتقول ليها،بنتي شنو قال لك باباك اممم..."جلست حداها"

شافت فيها البنت لي غير كدور في عينيها الرماديين وغالي كيشوف فيها...

غالي:لي يشوفك دبا امدام النصيري،مايوقلش هي ديك ميراي لي نهار كلو شادة الكارو ومخنزرة...

ميراي:هيهيهي ضحكيتيني...حضي البنت نقاد كمارتي...

وقفت جلست قدام المرايا وهو متبع ليها العين...

غالي:لا بصح،كنتي قبل أفضل،على أقل ماكان حتى واحد لاصق فك...

ميراي:أش ندير،كما قلتي وليت مرات سي النصيري،رئيس مجموعة النصيري،ومن فوق "دارت شافت فيه" مابغيتش جدك او عائلتك يتشكاو من لبسي،هنتا أنهار،تخرج لك مقادة الحالة وتعاود تبدل في الخدمة غير باش عكوزتها ماتشكاش..شنو فيها لا ولفت اصلا هاد اللبس ماغريبش عليا وكنت كلبسو قبل،غير نتا "رجعت شافت قدامها" تلاقيتيني في وقت ماهواش...

بقا غالي كيشوف فيها وهو يشوف في ملاك لي نعست وحيد الرضاعة ووقف هز كالسو لبسو ودخل لحمام...قادت وجهها مع روج بالغوز ومشات هزت ملاك حطتها في ناموسيتها وغطاتها وبتاسمت..خرج غالي لابس وهي دور شافت فيه...

ميراي:ماغاديش لخدمة؟.

غالي:لا،ملاك ناعسة تعالي...

شافت في ملاك ومشات شدت في يدو وخرجو...

يتبع....