حارستي الشخصية🗽مكتملة🗽

🗽الجزء 100🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء100:

بعدت عليه كتنهج وهما مسرحين في لأرض،شافت فيه وهي توقف كتلبس في كسوتها...بقا كيشوف فيها مزال ماشبع منها ولا شبع من ريحتها...وقفت قدام المرايا كقاد في عكرها لي كلو تخسر ودااع مع جناب فمها...وقف هز سروالو وهز تجاكيط لبسها وهز الكارافاط من أرض ووقف وراها...قادت عكرها وهي تغسل يدها وخدات الكارافاط من يدو كتقادها ليه...نزل عينيه كيشوف فيها وهو يمسح عكر من جنب فمها لي بقا..

غالي:مزال ماشبعت..

ميراي:بركا اغالي درنا الشوها وكولشي كيتسنانا براا..

غالي:الله يلعنهم ويلعن حفلتهم ويلعن كولشي،بسبابهم ماقادرش نشبع منك..

ميراي:"كتقاد في قاميجتو" حشوما الناس موجدين حفلة على ودنا..."شافت فيه" وقت نكملوو ديك ساع انا لك..

ضحكت بغنج ومسحت فمو من العكر وهزت ساكها وخرچت مخلياه متبع ليها العين مبتاسم...غسل يديه ووجهو وهو يمسح وخرج مبتاسم...شكون بحالو واكل الحلوى وفي أرض تاع الطواليط ههههه...

وقف كيشوف فيها واقفة مسمرة مافهمش مالها...زاد قرب حتى وقف وراها وهو يخرج عينيه كيشوف في ايملي واقفة...شاف في ميراي وشاف في ايملي...مشا دغيا عندها شدها من دراعها وكولشي حاضيهم...

غالي:أش كديري هنا؟

ايملي:جيت عندك احبيبي،عرفت بلي مديرين لك حفلة نتا ومدامتك...

غالي:ومن بعد..

ايملي:ياك انا هي مدامتك ههه..

سكرتيرة:سيدي واقعة شي حاجة...

اسملي:نو نو ،انا جيت مع راجلي..

شدت في كتف الغالي،خرجت سكرتيرة عينيها...

غالي:ايملي..

ايملي:"بعدت منو قربت من الموظفين" انا هي مرت غالي النصيري ومت ولدو..

كولشي خرج عينيه مافاهمين والو كفاش مرتو،شافو في ميراي لي واقفة مجمدة كتشوف فيهم...قرب غالي شدها من دراعها جاري..

غالي:زيدي سكتي...

ايملي:خليني طللق،خليني نقول ليهم بلي انا هي مرتك وهديك غير خطافت الرجاال..

خرجها غالي وكولشي شاف في ايملي،هبطت ميراي عينيها المدمعين وخرجت دغيا بحالها...شافتو مضارب معاها،حتى خرجت عينيها وقت ايملي باستو،اما ايملي كانت غير خطة من هنا باش تحرق قلب ميراي...طاحو دموعها على خدها كتشوف فيهم وخرجو الموظفين على اللقطة...صافي هنا تاكدو بلي غير ايملي مرتو وبلي ميراي لي دخلت بيناتهم وبلي في لقطة البوسة غالي تصالح مع ايملي...نزلت ميراي عينيها وشافت فيهم كيشوفو فيها نظرات كلهم عتاب وهي تنزلهم ومشات هازة كسوتها بحالها...
بعدها غالي بزز وهو يهز يدو بغا يضربها حتى شدت في راسها خايفة وهو يهز صبع بتحضير..