حارستي الشخصية🗽مكتملة🗽

🗽الجزء 17🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 17:

ميراي:"شافت في دراري" قول ليهم يمشيو...

تقشيرة:"وركت ميراي على عنقو بسلاح"أش باااغين؟سيرو بحاللكمممم...ماكتسمعوووش سيرو..

شافو دراري في بعضياتهم وجمعو سيوفتهم ومشاو وهي طلقو ميراي ولاحت سيف جنب...

ميراي:بغينا نهدرو معاك...

تقشيرة:"شاد من عنقو" أش باغا؟

ميراي:"شافت في غالي"سولو...

شاف تقشيرة في غالي لي واقف مزال مدهشر بهاد البنت كل يوم كيتعرف على شخصيتها كتر...نحنح ببحرة رجولية وشاف في تقشيرة وقرب منو...

غالي:ياسر النصيري،كتعرفو؟

تقشيرة:"طلعو وهبطو" ونتا مين كتعرفو؟

غالي:انا ولدو..

خرج تقشيرة عينيه وهو يدور عينيه...

تقشيرة:ولدو؟واش نتا غالي؟

غالي:اه..كيبان كتعرفنا مزيان؟

تقشيرة:احممم ماعندي فاش نهدر معاك...

غالي:بغيت غير نعرف،شنو كتعرف على واليديا،واش كانو عندهم أعداء؟

تقشيرة:أعداء؟"بسخرية" نتا جاي كتسول على مااضي تدفن 20عام هذا...سير بحالك اولدي..

غالي:قلت لك باغي نعرف كولشي...

تقشيرة:مانقدرش نقول لك..

غالي:"قرب منو مخنزر" علااش؟شنو يمنعك؟

تقشيرة:"بعد" نتا ماعارفش ولكن الماضي لي كتقلب فيه بحال دااك البير الغارق كل مانتا كتنزل كل ماحبل النجاة كيتقطع...سير بحالك ءولدي ونسا الماضي...

شاف غالي في ميراي لي مريعة يديها كتشوف فيهم...قرب غالي من ميراي...

غالي:دبا شنو نديرو؟

ميراي:لا بغيتي "كطرطق في صبعانها" كاينة طريقة خرى...

غالي:"بتاسم عليها" نتي باغا غير ضربي ماكتعرفيش شي حاجة خرى؟

ميراي:"كدور في عينيها" وشنو نديرو اذن؟

سكت غالي كيفكر وشافت ميراي في تقشيرة لي واقف...كانت لحظة لي خلات ميراي تغمض عينيها وتسدهم على جثة تقشيرة قبااالتها...دفعت غالي لصقتو مع الدار وهزت عينيها كتقلب فوق سطوحة مالقات والو...مشات دغيا عند تقشيرة لي شاد في صدرو...

ميراي:هيه كتسمعني؟

كان غاالي واقف وكيشوف فيهم مصدوم...قرب كيشوف حتى كيبان ليه تقشيرة غمض عينيه...حطت ميراي كتقلب في نبضو لقاتو مات...وقفت وشافت في غالي وهي تشدو من دراعو غادة بيه...