حارستي الشخصية🗽مكتملة🗽

🗽الجزء 142🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء142:

داز الوقت وداز اليوم وتعشات العشية وكولشي على أعصابو هادي،من برا هاديين ومن لداخل بركان ونار مخبية....وقف سيف تحت أنظار الجميع خرج،كيف كيجي كيف كيمشي،ماكيقول بسلامة ماكيودع،حتاش ماعارفش واش يرجع ولا مايرجعش،هكا حالو كي شي ظل ماتعرفوو امتى يبان وامتى يغبر...

وحتى سهيل وقف وفي جهة مخططاتو غادي،أما أسية طلعت بالجرى لبيتها وخرجت لبالكو كتشوف في سيف خارج بالطنوبيل وحطت يدها على كرشها...

تيك تاك تيك تاك...صوت الساعة لي كانت كتعاود في طنوبيل سهيل وهو سايق حتى جاتو مكالمة ووقف جنب وجاوب...

...:اسماء تشدت وقالت ليهم بلي نتا لي عطيتيها المخدر*ات...

سهيل:كفاااش،واش ديك البنت حمقة...

...:كون قريتيها قبل،البنت بجوج تصرفيقات گرت،تخبى بيما هدات أوضاع...

سهيل:وخا بابا..

قطع وهو يتحرك بالطنوبيل...

🌐عند سيف...

نزل بعيد على المصنع وهو يخشي أسلحة وراه ...شاف في لكارد وهو يبقى واقف كيفكر كي يدير،مشا حل الكوفر وجبد شانطة وحلها وجبد منها سلاح من عيار التقيل على شكل بندقية...قادو وصوبو جهة الرجال وبغا يضربهم حتى تحطت يد عليه وجبد سلاحو نيشان شير بيه جيهتو حتى خرج عينيه...

سيف:هذا نتا؟اش كدير هنا؟

غالي:نتا ماشي بوحدك..."جبد سلاحو من وراه" هادي حربنا بزوج...

بقا سيف كيشوف فيه وحرك راسو ورجع جلس وهو يطلق رصاصة ببندقية جهة الرجال حتى لي كيخرج كيضرب...ضرب نصهم ميتين وهو يبعد كيتسنى...

غالي:يله ندخلو...

سيف:صبر..

شاف فيه غالي وشاف في المصنع حتى بداو الرجال كيخرجو وهو يرجع سيف كيضرب فيهم حتى قتلهم وشاف في غالي ومشاو دااخلين...دخل لمصنع وهو يشوف سيف في واحد هربان وومشا دغيا شدو جارو...

سيف:نتا محتاجك...

...:طلقني سيدي انا كندير غير لي كيتطلب مني..

سيف:ششش،"حط سلاح على راسو" حسن لك تسكت وتقول ليا فين كنتسو غتسيفطو هاد الكوكاي*ين...

...:كنا غنسيفطوه لاسبانيا في باطوات...

سيف:شد هذا..

مدو لغالي لي شدو وهو يجر سيف الميكاب كيشوف في الفلوس والكوكاي*ن وهو يجبد تلفونو...

سيف:جي لادريس لي انا فيها..

قطع وسيفط ليهم لادريس حتى هز عينيه ودار دغيا جيهتو على صوتو...