حارستي الشخصية🗽مكتملة🗽

🗽الجزء 84🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء84:

~تــلاقــي الأيـــام أنــاســاً كانـــو فــي الماضــــي غربــــاء وتفــــرق أنــــاس كانـــو فـــي الحاضــــر أقربـــاء~

نزل كيقاد في ساعتو....وهو يشوف دايزة الخدامة ووقفها...

غالي:فين ميراي؟

الخدامة:خرجت اسيدي قبل شويا...

هز حاجبو وحرك راسو ومشا دخل لغرفة أكل...جلس ونزل حتى ضياء وزكرياء جلسو...تبعتهم العائلة كلهم جلسو...

ماريا:شفت مرتك تانية ماكيناش...اما لولى هادي دائما خامرةة بالنعاس...

هز غالي قهوة كيشرب بلاما يجاوبها...

صفاء:ريم اليوم غيجيو صحباتي باش يتعرفو علك،نبغيك تكوني واجدة غيتغذاو معانا...

ريم:ولكن..

صفاء:شنو عندك اهم من صحباتي..

ريم:لا،وخا اخالتي...

ضياء:ريم عندها خدمة..خليهم يجيو بليل...

صفاء:صحباتي واخدين اجازة على ود يشوفوكم ونتا كتقول نخلوها بليل،اش هاد قلة ترابي لي نديرو معاهم...

ضياء:من امتى هاد صحباتك اهم من العائلة...

صفاء:هاد شي لي كيخصك تفهمو،بلي العائلة اهم وصورتها بأهم بكتير،فهم مرتك هاد شي،ماتخليش دم صحفيين يلعب بيها...

ريم:صافي اخالتي ان شاء الله يجيو صحباتك ونستقبلوهم ماقلنا والو دبا...شغلي غنأجلو حتال لغذا...

بقا ضياء كيشوف في مووو وشاف في ريم،كانت موجدة راسها تخرج وكولشي تقلب...

وقف غالي خرج..

زكرياء:بسلامة..

ناد وقف حتى هو خرج...بغا يوقف ضياء وهي توقفو...

صفاء:ضياء بغيت نهدر معاك...

شاف فيها ضياء وحرك راسو..ومشاو خرجو لصالة وهي تبعتو...جلس دار رجل فوق رجل...

ضياء:شنو واقع اماما،ومالك مع ريم...نتي عندك كتر من 10 جمعيات فقط لمحاربة عنف على المراا ومعاهم في خدمتهم والبنت كانت غادة تقلب على خدمة ووقفتي في وجهها...

صفاء:"جلست حتى هي رجل فوق رجل" قول ليا نتا اولدي،البنت لي شوهتك ودخلتك لحبس نتا مزوج بيها دبا...

ضياء:"شاف فيها" شكون قالها لك "شافت قدامها" أسمهان ياك...

صفاء:ماكيهمش شكون،بغيت نعرف لاش تزوجتي بيها...

ضياء:"تقاد في الجلسة وقرب منها" الواليدة،هاد الموضوع بعيد علك وبزاف كاع،حتاش كيخص جوج نااس في هاد العالم كولو،انا وريم فقط،أي حاجة غتوقع انا ووياها متحملين مسؤوليتها،وبااقي ماكيخص حتى واحد وخا يكون نتي...حتى حنا ماعمرنا دخلنا في علاقتك مع الواليد...وخا رااكم مفارقين الفراش وساكتين حتاش حياتكم...

صفاء:انا وباك قصة خرى،ونتوما قصة اخرى،قول ليا نتا،مشاركين الفراش اممم؟واش نعستي معاها؟

تنهد ضياء وحك يديه مع يعضياتهم...بالنسبة ليه عادي يهدر في مواضع بحال هادو مع مو حتاش قريب من مو كتر من باه ولكن حتى هاد المواضيع عندهم عادي في العائلة...

ضياء:هاد شي كيخصنا...

صفاء:اذن مزال مادخلتي عليها،ونتا كتسناني نجمع يديا وبقا ساكتة،وقت نتا تعتابرها مرتك حتى في الفراش غادي نسكت وماندخلش بيناتكم..ودبا خليني نعلمها أصول العائلة...

ضياء:ريم ظريفة وغير..

صفاء:اه بينا ظرفتها ماقلناش العكس،ولكن هي صحفية وكيخصها تعلم تفرق بين حياتها العملية وشخصية...

بقا ضياء كيشوف فيها وهو يتنهد وناد وقف خرج...

ميراي:سلام،واش كاين سي سلمان...

مستضيفة:هو كيدرب...

حركت ميراي راسها وهي تمشي داخلة وحطت الباج في ساكها...وقفت كتشوفو كيلعب مع واحد في المصارعة كان رجل...بقات واقفة كتشوف فيه حتى شافها وهو يوقف تدريب ونزل عندها وحيد ليگات...

سلمان:على سلامة...عاد تفكرتينا...

ميراي:وقعو بزاف الحويج طنت مطرا نغبر سمح ليا ماعلمتكمش...

سلمان:مني كنا كنتاصلو بك الالة ماجاوبتيش صافي قلنا مابقيتيش محتاجة لخدمة...

ميىاي:أمر هو...

سلمان:"قاطعها" الله يعاونك..

تم غادي وهي شافتو غادي وتبعتو وكتهدر..

ميراي:تلفوني خسر هكاك ماكنتش كنجاوب،وقعو ليا بزاف الحويج خليني غير نشرح لك...

وقف عند الدروج وشاف فيها...

سلمان:تفضلي،هدري ولكن هاد شي مايغير فيا والو...

ميراي:"تنهدت" ماتت ماما وكنت في الكنينيك طول هاد المدة حتاش درت حادتة يله خرجت البارح...لا ماتيقتينيش بامكاني نجيب لك سرتفيكا..

سلمان:"تنهد" نتي مناش مصنوعة،علاش كتشرحي ليا وكتحاولي تبتي ليا مرضك وخا قلت لك مايغير والو...

ميراي:شرحت لك حتاش لافوت مني،وكون كان منك ماتلقانيش هنا..

تمت غادة خارجة وهو متبع ليها العين...تنهد ومشا تبعها لحتال لبرا وهو يشددها من دراعها..

سلمان:صبري..

شافت فيه هازة حاجبها وجرت دراعها...

ميراي:شنو؟

سلمان:عندي لك عرض...بحث علك بعيد على تهم لي تحطو علك نتي مصارعة محترفة،انا كندرب فريق اناث ودكور،شنو رأيك دربي معايا وتكلفي بانات...

ميراي:كفاڜ؟

سلمان:كما كتسمعي،خلينا نشوفو قدراتك...واش قادرة؟مسابقة باقي لها شهر،في هاد شهر ماتحسبش يعني غتخدمي بلاخلصة ولا ربحتي غتولي مدربة بخلصتك شهرية..شنو قلتي؟

بقات ميراي كتشوف فيه وهو يمد يدو ليها...شافت في يدو وشافت فيه وشدت في يدو...

ميراي:وخا...

سلمان:نتي ماكتفكريش جوج مرات؟

ميراي:ماعندي ماندير بتفكير،انا كنعشق هاد الميدان ونقدر ندير أي حاجة.."جرت يدها"

سلمان:وخا،دخلي نعرفك على البنات لي غدربي...

حركت راسها ومشاو داخلين...

يتبع...