မီးရောင်စုံထွန်းလင်းနေတဲ့ လမ်းမကြီးထက်ဝယ်မှောင်ရိပ်များကြီးစိုးနေသော်ငြား သွားလာလှုပ်ရှားနေသော လူသားများနှင့် လိုရာခရီးနှင်နေသောကားမီးရောင်များက တိတ်ဆိတ်ခြင်းကိုမလိုမရှိသယောင်။
မကြာမှီအချိန်အတွင်း ဆောင်းဦးသို့ ရောက်လာတော့မည့်ရာသီဥတုသည် အေးမြခြင်းရှေ့ပြေးနမိတ်များ ပြသလျှက်။
ညလေအေး၏အဝှေ့တစ်ချက်တွင် အနည်းငယ်ပုံပျက်နေသော ဦးခေါင်းထက်မှ ဆံပင်အချို့ယိမ်းယိုင်သွားသလို ခန္တာကိုယ် အသည်းထဲကပင်လျှင် စိမ့်ခနဲ။
ခပ်ပါးပါးအပေါ်ဝတ်တစ်ထည်အား ဖြစ်သလို ပုခုံးပေါ်လွှားခြုံကာရပ်နေမိသည့် ဤဝရံတာ၌ ကုန်ဆုံးသွားချိန်သည် မိနစ်ပိုင်းမျှသာရှိသေးသော်ငြား အတွေးတို့သည် ရောက်တက်ရာရာသို့ ခရီးထွက်နေလေပြီဖြစ်သည်။
"Chanyeol..."
ခပ်တိုးတိုးအသံသာနှင့်အတူ ကျောပေါ်သို့အိကျလာသောနွေးထွေးသည့်အငွေ့အသက်တို့ရစ်သိုင်းနေသည့် ချစ်ရသူသည် ရင်ကိုနွေးထွေးခုန်မင်စေပြန်သည်။
"နိုးခဲ့ပြီလား Hyunee"
"ဘယ်အချိန်တည်းက ဒီနားမှာရပ်နေတာလဲ မအေးဘူးလား ဟင်..."
ခါးပေါ်၌ရစ်ပတ်နေသောလက်တို့အားအုပ်မိုးမိချိန်တွင် ကွေးညွှတ်သွားသောနှုတ်ခမ်းပါးတစ်စုံကို ကျောပြင်၌ နွေးထွေးစွာခံစားလိုက်ရ၏။
"မင်းအနောက်ကနေဖက်ထားပေးတာပဲ"
"အပိုတွေ"
ကျောပြင်ရှိချစ်ရသူမျက်နှာတော်အားမော်ဖူးဖို့ရာအနောက်သို့ အနေအထားပြောင်းကာလှည့်လိုက်လျှင်ပင် ရင်ခွင်ထဲသို့ အံဝင်ခွင်ကျရောက်လာလေရဲ့။
"အချွဲလေး။ ငါ့ကိုဘယ်အချိန်ထိဖက်ထားမှာလဲ"
ခပ်အုပ်အုပ်ဆံနွယ်များအားအသာထိုးဖွကာဆော့ကစားရင်း ရင်ခွင်ထဲမှိန်းနေသည့်ကောင်လေးအား ချစ်မေးခွန်းလွှာများ စစ်မေးရပြန်သည်။
"မင်းဆိုတဲ့ဖြစ်တည်မှု့လေး ငါ့ဘေးနားမှာရှိနေသ၍"
"ငါမမြင်ရတဲ့ကံကြမ္မာတွေကိုတော့ ယုံတမ်းကတိတွေပေးမနေချင်ဘူး မင်းဘေးမှာအမြဲရှိနေအောင် ငါကြိုးစားပြီး အမှန်ကိုပဲငါပြပေးမယ် Baekhyunee"
YOU ARE READING
Perfect Stranger
FanfictionYou are my perfect stranger~ Cover artist- Akiko Kunn ☑️Unicode ✅Zawgyi [error မစစ်ဆေးရသေး]