Holymancer : Unang Aklat

Chapter 6, part 2 : Grinding

"Alejandro divine pull!" Utos ni Clyde sa dwendeng tank.

Napatay n'ya na ang huling kalaban. Nilagay n'ya sa storage n'ya ang mga napatay n'yang higanteng daga. Naisip n'ya kasing baka mapakinabangan n'ya pa ang mga ito. Nakita n'ya kasi noon sa forum ng hunter site ang mga haka-haka. Tungkol 'yon sa mga hunter na may spatial storage skills o yung mga nakakuha ng rare dungeon items na spatial pouch o ring.

Nagagawa nilang ilabas yung mga namatay na dungeon monsters sa loob nito. Hindi tulad ng sa mga normal na hunter, hindi nila mailalabas ang mga bangkay ng mga halimaw dahil may batas ang dungeon. Ilang segundo o minuto ng pagkamatay sa loob ng dungeon ay maglalaho ang anumang bangkay. Sa halimaw man o sa tao.

Kasi ang spatial items tulad ng spatial pouch o ring ay ibang separate ng lugar na maituturing. Kaya 'di na sakop ng dungeon ang mga bangkay sa mga spatial items.

Tapos ay ibebenta nila 'yon through special means. Sa mga hunters black market.

Matapos n'yang kunin ang mga bangkay ay tinungo n'ya yung daang nakita n'ya sa sa 'di kalayuan, sa harapan, sa bandang kaliwa.

.....

[Holymancer System]

Player's name : Clyde Rosario
Sex : Male
Age : 26
Occupation : Holymancer
Level : 7
Stats :

Health : 100/100
Mana : 400/400

Strength : 10
Vitality : 10
Agility : 15
Intelligence : 40
Perception : 10

Skills :

Special :

Holymancer System (Main)

- Holymancer Attribute
- Holymancer Realm [1/160]
- Holymancer Summons [1/200]

...

Conceal (Lv. 1)
Dungeon seeker (Lv. 1)
Lighting (Lv. 1)
Earth cage (Lv. 1)
Earth needle (Lv. 1)

.....

"Ik! Ik!"
"Ik! Ik!"
"Ik! Ik!"

May tatlo ng nakaharang na higanteng daga sa daanan ni Clyde. Na akala mo alam na nila ang presensya n'ya.

Siguro instincts? Maaaring ramdam nilang marami ng kauri nila ang namamatay na?

Mas alerto na sila?

Agad nagpakawala ng earth needle si Clyde.

Nagsitalunan palayo ang mga daga.

Lahat sila ay matagumpay na nakaligtas.

"Divine Pull!" Utos ni Clyde na agad namang sinunod ng d'wende.

At nang ang tatlo ay naipon na palapit kay Alejandro, ginamit ni Clyde ang earth cage ng wala ng pag-aatubili.

Nahuli n'ya ang tatlo. Napangisi si Clyde at napasigaw ng, "Ang galing. Tawagin natin 'tong crowd control relay combo. Ang ganda ng earth cage pero ibag level ang Divine Pull ni Alejandro. Masyadong broken. Masyadong overpowered."

Pilit kumakawala ang tatlo sa earth cage. Tinira n'ya agad ang isa ng earth needle. Nag namatay ang isa ng higanteng daga, mas lalong nagwala ang mga daga. Nagmadaling i-cast ni Clyde ang pangalawang earth needle. Kasi medyo kinakabahan s'ya sa lakas ng kalaban ng mga ito. Nangangamba s'yang baka masira agad ang earth cage.

Nangyari 'yon nang pinatay n'ya yung ikalawang higanteng daga. Naramdaman n'ya ang biglaang paglubog ng kaliwang paa n'ya. Kasabay noon ang pagsakit ng paa n'ya. Para itong pinipiga. Pagtingin n'ya nakakita s'ya ng higanteng bulate na ang kalahati ng katawan ay nakabaon sa lupa. At kalahati naman ay mahigpit na nakapalupot sa kaliwang binti n'ya.