Unicode
အခန်း-၂ စာကြောင်းတွေကို မှတ်ရတာ ခက်လိုက်တာ။
[အိုး!.. စာကြောင်းတွေကို ကျပန်း လျှောက်မပြောင်းနဲ့လေ! ]
ထိုတောင်းဆိုမှုကို ကြားသောအခါ စုယန် အေးခဲသွားသည်။
သူ့ကို ရှာတွေ့သွားတာလား?
"သခင်ငယ်လေး.. သင် စောစောက လှုပ်ရှားမှုတွေ အများကြီး လုပ်မိသွားတယ်"
သူ့ရဲ့ ပန်းလက်ထောက်က သတိပေးလိုက်သည်။
ဒါက အဓိပ္ပာယ်ရှိတယ်။
ဤကမ္ဘာသည် စိတ်ကူးယဉ်ဆန်သော်လည်း သိုင်းပညာ အစုံအလင်ရှိသည်။ ဤကမ္ဘာရှိ သိုင်းပညာရှင်တို့သည် စိတ်အားထက်သန်ပြီး သတိရှိကြသည်။ သစ်ပင်အောက်က သူကတော့ အံ့အားသင့်စရာ ကောင်းတဲ့ ပါရမီရှင်ကုဖေးတိပင်။
ထိတ်လန့်တုန်လှုပ်နေသည့် အခိုက်အတန့်တွင် သူထရပ်ကာ သစ်ကိုင်းတစ်ကိုင်းကို ကိုင်လိုက်မိတဲ့အတွက် ကုဖေးတိ သတိပြုမိသည်မှာ ကျိုးကြောင်းဆီလျော်ပါသည်။
ဒီအတိုင်းသာ ဆက်သွားနေမယ်ဆိုရင် ဒီဇာတ်ကွက်ဟာ ပရမ်းပတာဖြစ်လာမှာ သေချာသည်။
အခုခေါင်းစားစရာကတော့ သူ့ကိုယ်သူ ပြသင့်သလား မပြသင့်ဘူးလား ဆိုတာပင်။
ဝါးစရာဘာမှမရှိတဲ့အတွက် စုယန်သည် သူ့လက်သည်းတွေကိုသာ ကိုက်နေလိုက်သည်။ သူတွေးမိတာက ဒီဇာတ်ကွက်က တကယ်ပဲ ဇာတ်ညွှန်းနဲ့ သိပ်လွဲနေမှာ မဟုတ်လောက်ဘူး.. ဟုတ်တယ်မလား?
ဇာတ်ညွှန်းတွင် မိစ္ဆာဂိုဏ်း၏ သခင်ငယ်၊ ဇာတ်လိုက်၏ ရန်သူအဖြစ် သူသည် ကျောက်စိမ်းအိမ်တော်၏ တရားဝင် ဝင်ခွင့်လက်မှတ်ဖြစ်သည့် ကျောက်စိမ်း ခေါင်းလောင်းအတွက် ကုဖေးတိကို ရင်ဆိုင်ရမည် ဖြစ်သည်။ သူသည် ကုဖေးတိကို အကျပ်အတည်းကြား ရောက်စေရန် သူ့လက်ထောက်နဲ့အတူ ပူးပေါင်း တိုက်ခိုက်မည်ဖြစ်သည်။ ထို့နောက်တွင်တော့ နာမည်ကြီး ဇာတ်ညွှန်းတွေရဲ့ လုပ်ရိုးလုပ်စဉ်အတိုင်း
သူ စကားတွေအများကြီး လျှောက်ပြောပြီး ဇာတ်လိုက်ကိုကယ်မယ့်လူတွေ လာတဲ့အချိန်ထိ အချိန်ဆွဲထားလိုက်မည်။
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
