Unicode
အခန်း-၆၉ တူညီသော အတွေ့အကြုံဖြင့် ချည်နှောင်ထားခြင်း။
[သူနဲ့ငါက စိတ်တူကိုယ်တူပါပဲ...]
ကုဖေးတိက ရုတ်တရက် အံ့ဩသွားပြီး မေးလိုက်သည်။
"ဘာဖြစ်လို့လဲ?"
ကုရော့ဟိုင်က ဆို၏။
"ဒီအတောအတွင်း သိုင်းပညာအသိုင်းအဝိုင်းက အဆက်မပြတ်ကို ကမောက်ကမတွေ ဖြစ်နေတယ်။ ထုန်းယွင်ဘုရားကျောင်းနဲ့ ဝူကျန်းမန်မှာလဲ အဲ့လော့ကွေးရဲ့ သူလျှိုတွေ ရှာတွေ့ခဲ့တယ်။ မင်းက ငယ်ပါသေးတယ်။ ဒီပြဿတွေမှာ ဝင်မပါချင်နဲ့၊ စံအိမ်မှာ အေးအေးဆေးဆေး နေပြီး သိုင်းပညာသာ လေ့ကျင့်စမ်းပါ။"
"ဒါပေမယ့် အဖေ.." ကုဖေးတိက စိုးရိမ်တကြီး ပြန်ပြောလေသည်။
"စုယန်က ကျွန်တော့်ကိုကယ်တင်ဖို့ သူ့ခန္ဓာကိုယ်ထဲကို အဆိပ်လွှဲယူခဲ့တာလေ။ ကျွန်တော် သူ့ကို မစွန့်ပစ်သင့်ဘူး။ ဒါက ကျိုးကြောင်းမဆီလျော်ဘူးလေ..."
ကုရော့ဟိုင်သည် သားဖြစ်သူ၏ စိုးရိမ်ပူပန်သောအမူအရာကို သတိပြုမိပြီးနောက် မေးလိုက်သည်။
"ဘာအကြောင်းပြချက်ကြောင့်လဲ?"
ကုဖေးတိက ပြန်ဖြေ၏။
".. အတန်းဖော်တွေကြားက ခင်မင်ရင်နှီးမှုက အကြောင်းပြချက်ပဲ"
"မင်းနဲ့ စုယန်က တစ်ကယ်... အတန်းဖော် ဆက်ဆံရေးကို တန်ဖိုးထားနေတာလား?"
ကုရော့ဟိုင်၏ လေသံမှာ ခက်ထန်သွားသော်လည်း ဝါကျ၏အဆုံးတွင် စိတ်ဓာတ်ကျသွားသကဲ့သို့ လေသံမှာ ပြန်လည်တိုးဖျော့သွားသည်။ ၎င်းမှာ ကုဖေးတိအား ရှုပ်ထွေးသွားစေ၏။
သူက လက်သီးကို တင်းတင်းဆုပ်ထားပြီး လက်ဖဝါးမှချွေးများကို အင်္ကျီဖြင့် ပွတ်သုတ်လိုက်သည်။ ပြီးနောက် တံတွေးမျိုချကာ ပြောလေ၏။
"ဟုတ်ပါတယ် ပြီးတော့... ဘေးချင်းယှဉ်တိုက်ခဲ့ကြတဲ့အထိ ရင်းနှီးတဲ့သူငယ်ချင်းတွေပါ။ ကျောက်စိမ်းအိမ်တော်က ကျောက်စိမ်းကြေးမုံရေကန်ကိစ္စရယ် မြေရိုင်းလွင်ပြင်တိုက်ပွဲတုန်းက သူကျွန်တော့်ကို ကယ်ခဲ့တဲ့ ကိစ္စရယ်... အဖေ အားလုံးကို ကြားဖူးပြီးသား ဖြစ်မှာပါ"
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
