ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)

အခန်း-၉၃ အခွင့်အလမ်းအသစ်တစ်ခု ပေါ်ပေါက်လာခြင်း။

Unicode

အခန်း-၉၃ အခွင့်အလမ်းအသစ်တစ်ခု ပေါ်ပေါက်လာခြင်း။

[သေတ္တာထဲရှိ မီးတောက်နေသော ဇာမဏီကျောက်စိမ်းဆွဲကြိုး]

နောက်နေ့မနက်၌ လေပြင်းနှင့် နှင်းများ ရပ်တန့်သွားပြီး လမ်းမပေါ်၌ နှင်းအစုအပုံများ ကျန်ရစ်ခဲ့လေသည်။ ၎င်းနှင်းများမှာ နေရောင်ဖျော့ဖျော့‌အား ရောင်ပြန်ဟပ်နေပြီး လင်းလက် တောက်ပနေတော့၏။

လမ်းများမှာ သွားလာရခက်ခဲသော်လည်း သူတို့သည် ခရီးဆက်ရန် ဆုံးဖြတ်ထားဆဲဖြစ်သည်။ ကုဖေးတိသည် စုယန်နှင့်အတူ မြင်းတစ်ကောင်တည်း မျှဝေစီးရန် ဆုံးဖြတ်လိုက်သည်။ ထိုမှသာ စုယန်နွေးထွေးစေရန် အလွယ်တကူ အတွင်းအား
လွှဲပြောင်းပေးနိုင်မည်ဖြစ်၏။

ထိုအချိန်တွင် အလယ်ပိုင်းလွင်ပြင်၏ မြောက်ပိုင်းရှိ အပူချိန်သည် အလွန်နိမ့်ပါးနေပြီဖြစ်သည်။ နှင်းများသည် မွန်းတည့်ချိန်တွင် အနည်းငယ်အရည်ပျော်သွားသော်လည်းမကြာမီ နေဝင်ရီတရောအချိန်၌ ရေခဲအဖြစ်သို့ ပြန်လည်ပြောင်းလဲသွားမည်ဖြစ်ပေသည်။

ကံကောင်းထောက်မစွာ လမ်းတလျှောက်၌ နောက်ထပ် နှင်းမုန်တိုင်းများ ထပ်မတွေ့ရပါတော့ချေ။ သူတို့သည် ချင်းဝူခရိုင်သို့မရောက်မီ ငါးရက်ကြာ ခရီးနှင်ခဲ့ကြရသည်။ နေဝင်ချိန်၏
နီဆွေးသော အလင်းရောင်အောက်၌ သူတို့သည် အဝေးရှိ မေ့ကျူးတောင်၏ လှပသော တောင်ကြောကို စတင်မြင်တွေ့နေရပြီ ဖြစ်သည်။

လမ်းတလျှောက်လုံး ဖြောင့်ဖြောင့်တန်းတန်း
ခရီးဆက်ကာ ရွာနှင့်မြို့နယ်အများစုကို ရှောင်ရှားခဲ့သော်လည်း ထုန်းယွင်စံအိမ်သည် မိစ္ဆာဂိုဏ်းကို ချေမှုန်းရန် အလယ်ပိုင်းလွင်ပြင်ရှိ တပ်ဖွဲ့များကို စုဆောင်းနေသည်ဟူသောသတင်းသည် စုယန်နှင့်ကုဖေးတိတို့၏ နားထဲသို့ ရောက်ရှိလာဆဲဖြစ်သည်။

စုယန်သည် အစောကတည်းက ဇာတ်လမ်း
ဇာတ်ကြောင်းကို သိထားပြီးဖြစ်သောကြောင့် လုံးဝအံ့သြခြင်း မရှိပါသော်လည်း ကံကြမ္မာက ရှောင်လွှဲ၍ မရသည့်အတွက် စိတ်သာပျက်မိတော့သည်။