Unicode
အခန်း-၈၂ ဆုံးဖြတ်ချက်နှင့် ထင်ကြေးများ။
[ဒီကိစ္စကို ဆွေးနွေးဖို့ အချိန်မနှောင်းသေးဘူး...]
နောက်နေ့မနက်၌ စုယန်သည် နေမြင့်သည်အထိ အိပ်စက်ခဲ့လေသည်။
ယနေ့ ယွီချုံးတောင်ထွတ်၏ ကောင်းကင်သည် တိမ်ကင်းစင်ကာ ထူးခြားလှပ၍ ရှားပါးကောင်းမွန်သော ရာသီဥတုပင် ဖြစ်ချေသည်။ သာယာသော နေအလင်းရောင်သည် တစ်နှစ်ပတ်လုံး ကျဆင်းထားသော နှင်းများကို ထင်ဟပ်ကာ ကောင်းကင်ပေါ်ရှိ မှတ်တုတ်မှိတ်တုတ် ကြယ်လေးများသဖွယ် လင်းလက် တောက်ပနေစေ၏။
သို့ရာတွင် ထိုနေရာ၌ လေထု အပူချိန်မှာ နိမ့်ကျနေသေးသည်။ အခန်းတံခါးဝ၌ ရပ်နေချိန်တွင် အပြင်ဘက်ရှိ အေးစိမ့်သောလေက စုယန်အား အနည်းငယ် တုန်လှုပ်သွားစေသည်။
"အခန်းထဲမှာ မီးဖိုရှိတယ်။ အပြင်မထွက်ဘဲ နွေးနွေးထွေးထွေးနေကြရအောင်နော်" ကုဖေးတိက စုယန်အား အခန်းထဲသို့ ပြန်ဆွဲခေါ်သွားလေ၏။
"မင်းရဲ့ ကျန်းမာရေးကို ကုသဖို့အတွက် ဒီကိုတောင် ရောက်နေမှတော့ ကိုယ့်ကိုယ်ကို ဂရုစိုက်သင့်တယ်မဟုတ်လား? ဘာလို့ အစောကြီး ထလာတာလဲ?"
စုယန်က အတော်မြင့်နေပြီဖြစ်သော နေကိုကြည့်ရန် ခေါင်းမော့လိုက်သည်။
"အစောကြီးထတယ်? ငါတော့ အတော်လေး နောက်ကျနေပြီထင်တာပဲ။ နေ့လည်စာစားဖို့တောင် သိပ်မလိုတော့ဘူးမဟုတ်လား..."
ထင်တဲ့အတိုင်း သိပ်မကြာခင်မှာပင် လော့ယွီသည် တပည့်တစ်ယောက်အား နေ့လည်စာနှင့် အအေးဒဏ်ကာသော သားမွေးဝတ်စုံတစ်စုံကို ပေးရန် စေလွှတ်လိုက်လေသည်။
စုယန်နှင့် ကုဖေးတိတို့ နေ့လည်စာ အတူတူစားပြီးနောက် လော့ယွီက စုယန်အား စမ်းသပ်ရန် ခေါ်ခဲ့သည်။
သူက စုယန်၏ သွေးခုန်နှုန်းကို စစ်ဆေးပြီးနောက် စုတ်တံကို ကောက်ကိုင်လိုက်ပြီး ဆေးစာတစ်စောင်ကို စတင်ရေးခဲ့လေ၏။
"ရေခဲဝိညာဉ်က အားကောင်းလာပြီး မင်းရဲ့အတွင်းစွမ်းအားက အေးစက်နေတယ်။ အဲဒါကတဖြည်းဖြည်းနဲ့ မင်းရဲ့ မယ်ရီဒီယန်တွေကို ပျက်စီးစေလိမ့်မယ်။ ပြီးရင် မင်းရဲ့ခန္ဓာကိုယ်ရဲ့ တက်ကြွမှုပါ အားနည်းလာလိမ့်မယ်" လော့ယွီက ရှင်းပြသည်။
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
