ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)

အခန်း-၈၃ ကူအဆိပ်ကို ဖယ်ရှားခြင်းနှင့် နောက်ဆက်တွဲမေးခွန်း။

Unicode

အခန်း-၈၃ ကူအဆိပ်ကို ဖယ်ရှားခြင်းနှင့် နောက်ဆက်တွဲမေးခွန်း။

[သူကူအဆိပ်ကို တွန်းထုတ်ဖို့ သူ့ကိုယ်သူသာ အားကိုးနိုင်လိမ့်မယ်]

စုယန်နှင့် ကုဖေးတိတို့သည် ကူအဆိပ်ကို ဖယ်ရှားရန်သာ လုံးလုံးလျားလျား စိတ်နှစ်ခဲ့ကြပြီး တခြားဘာကိုမှ ဂရုမစိုက်နိုင်ခဲ့ကြပေ။ ထို့အပြင် လော့ယွီကလဲ ပြဿနာများကို သူတို့ထံမှ ရည်ရွယ်ချက်ရှိရှိ ဖုံးကွယ်ထားခဲ့ပြီး သူတို့နှစ်ဦးစလုံးကို အမှောင်ထဲတွင်သာ လုံးလုံးလျားလျား ထိန်းသိမ်းထားခဲ့သည်။

ချင်ကျန်းယွဲ့ကမူ ယွီချုံးတောင်မှ နောက်တစ်ကြိမ် ခရီးထွက်ခဲ့သည်။

သို့သော် ထန်းယွင်စံအိမ်သို့ သူကိုယ်တိုင် သွားခဲ့သော်လည်း ကုရော့ဟိုင်နှင့် မတွေ့ဆုံနိုင်ခဲ့ပါ။
နောက်ဆုံးတွင် ကုရော့ဟိုင် ခရီးရှည်ကြီး ထွက်သွားသည်ဟူသော သတင်းကိုသာ သူရရှိခဲ့၏။

ကူအဆိပ်ကို မဖယ်ရှားမီ ကာလအတွင်း စုယန်၏ ခန္ဓာကိုယ်ကို အကောင်းဆုံးအခြေအနေသို့ ရောက်နေစေရန် လော့ယွီသည် အပ်စိုက်ကုထုံးကို တစ်ရက်တစ်ခါ ပြုလုပ်ရုံသာမက ဆေးတိုက်ကျွေးခြင်းနှင့် ဆေးဖက်ဝင်အပင်များနှင့် ညစဉ် ရေချိုးစေခြင်းများကို ပြုလုပ်စေသည်။

စုယန်သည် ဆေးဖက်ဝင်အပင်များနှင့် ဖော်စပ်ထားသော ဆေးရည်ကို သောက်ရသည်မှာ သူ့ဘဝတွင် ပထမဆုံးအကြိမ်ဖြစ်သည်။ သူ၏လျှာက ဆေးရည်ကို ထိလိုက်သည်နှင့် အလိုလို ထွေးထုတ်မိတော့၏။

"ဒီဆေးရည်က လူသောက်ဖို့တောင် ဟုတ်ရဲ့လား?"
စုယန်က နှာခေါင်းရှုံ့ကာ သောက်ရန် ငြင်းဆန်လိုက်၏။

"ဆေးလုံးအဖြစ် ပြောင်းလုပ်လို့ မရဘူးလား။ အဲဒါတွေကို တစ်ခါတည်းမျိုချလိုက်တာ ပိုကောင်းလိမ့်မယ်ထင်တယ်။ ဒီလိုမျိုး အရည်သောက်ရတာကြီးကို ဘယ်သူက သည်းခံနိုင်မှာလဲ?"

လော့ယွီက ဆေးပန်းကန်လုံးကို စားပွဲပေါ်တင်လိုက်ပြီး ရွဲ့စောင်းစွာ ပြုံးလိုက်သည်။