Unicode
အခန်း-၁၁၉ ထူးဆန်းသော ငှက်ဥ။
[လူငယ်လေး... သိပ်လောဘမကြီးနဲ့]
နောက်တစ်နေ့အစောပိုင်းတွင်၊ ကုဖေးတိသည် စုယန်နှင့်အတူ ကျောက်စိမ်းအိမ်တော်အနောက်ဘက်ရှိကြိုးတံတားကိုဖြတ်၍ ရှစ်ဇွင်းအား ဂါရဝပြုရန်အတွက် ပုလဲစံအိမ်တော်သို့ လိုက်ပါသွားခဲ့သည်။
သူတို့နှစ်ယောက်စလုံး ပုလဲစံအိမ်တော် အပြင်ဘက်သို့ရောက်သောအခါ၊ ချင်းပေါ်သည် စုယန်နှင့်စကားပြောလိုသောကြောင့် ဦးစွာထွက်ခွာရန် ကုဖေးတိကိုညွှန်ကြားခဲ့သည်။ ကုဖေးတိသည် အနည်းငယ်စိတ်မသက်မသာဖြစ်နေသော်လည်း၊ ရှစ်ဇွင်း၏အမိန့်ကိုလေးစားရန်မှတပါးရွေးချယ်စရာမရှိတော့ဘဲ ချိုင့်ဝှမ်းအပြင်ဘက် ကြိုးတံတားထိပ်တွင်စောင့်ရန် ထွက်ခွာသွားခဲ့သည်။
စုယန်က ပုလဲစံအိမ်တော်အဝင်ဝကို ရောက်သည့်အခါတိုက်ဆိုင်စွာ တိလင်းက တံခါးကို အတွင်းကနေ တွန်းဖွင့်လိုက်လေသည်။
စုယန်ရဲ့ ခြေသံကို ကြားလိုက်သည်နှင့် တိလင်းက ခေတ္တရပ်လိုက်ပြီး "မင်းရောက်ပြီလား?" ဟု မေးလေ၏။
စုယန်က "ဟုတ်ကဲ့" ဟု ပြန်ဖြေကာ တိလင်းအား လက်သီးဆုပ် နှုတ်ဆက်လိုက်သည်။ တိလင်းက စုယန်ဝင်နိုင်ရန် လမ်းဖယ်ပေးလိုက်သည်။ သူမက ခဏစဉ်းစားပြီးနောက် စုယန်၏နောက်မှ လိုက်သွားခဲ့လေ၏။
ချင်းပေါ် လှည့်ကြည့်လိုက်ရာ သူတို့နှစ်ယောက်စလုံး အိမ်ထဲကို တစ်ချိန်တည်း ဝင်လာသည်ကို တွေ့လိုက်ရလေသည်။ သူမက အံ့အားသင့်စွာဖြင့် မေးလိုက်၏။
"တိလင်း မင်းမှာ တခြားကိစ္စရှိလို့လား?"
တိလင်းက ခေါင်းငုံ့လိုက်ပြီး ဆိုသည်။
"ဟုတ်ပါတယ် ရှစ်ဇွင်း။ ရှစ်ဇွင်းရဲ့ ဒီတစ်ခေါက် ခရီးက ပြန်လာမယ့်အချိန်ကို အတိအကျမသိရသေးဘူး။ နှစ်အနည်းငယ် ဒါမှမဟုတ် ဆယ်စုနှစ်အနည်းငယ်လည်းဖြစ်နိုင်တယ်။ ဒီတပည့်က ကျောက်စိမ်းအိမ်တော်ကို တစ်ယောက်တည်း စီမံခန့်ခွဲဖို့ ယုံကြည်မှုမရှိပါဘူး။ အခု စုရှစ်တိနဲ့ ကုရှစ်တိတို့ ပြန်ရောက်နေပြီဆိုတော့ သူတို့ကို ဝိုင်းကူညီခွင့်ပြုဖို့ တောင်းဆိုချင်ပါတယ်"
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
