Unicode
အခန်း-၃၄ ရေကန်ဘေးမှ ကြယ်စင်ည။
[ငါ ရှုံးနေပြီးသားပါ...]
စုယန် ရွှံ့အိမ်ငယ်မှ ထွက်သွားသည်နှင့်တပြိုင်နက် ချုံပုတ်တစ်ခု၏နောက်တွင်ပုန်းကွယ်ကာ ကိုယ်ကို ကိုင်းညွှတ်၍ အော့အန်လိုက်တော့သည်။
သူ၏အစာအိမ်ကို ရှင်းပြီးသည်နှင့် သူ့မျက်နှာပေါ်ရှိ မျက်ရည်များနှင့် နှာရည်များကို ဆေးကြောရန် ရေကန်ဆီသို့ သွားလိုက်၏။
ဤကမ္ဘာသည် စိတ်ကူးယဉ်ဇာတ်လမ်းတစ်ခုမျှသာ ဖြစ်ကြောင်းနှင့် ထိုလူများသည် အသက်မဲ့အမြောက်စာ များသာဖြစ်ကြောင်း သူ့ကိုယ်သူ ထပ်ခါထပ်ခါ သတိပေးနေခဲ့သည်။ မူလဝတ္ထုနှင့် ဇာတ်ညွှန်းတွင် သူတို့အားလုံးသည် သေခြင်းတရားနှင့် ဆုံးခန်းတိုင်ခဲ့ပေသည်။ ဤသည်မှာ သူတို့၏ ကံကြမ္မာပင်။
သည့်အပြင် ဤအရာသည် သိုင်းလောကတစ်ခုသာ ဖြစ်ပြီး အနာဂတ်တွင် သွေးထွက်သံယိုဇာတ်ကွက် များစွာဟာ သူ့အား စောင့်ကြိုနေဦးမည်ဖြစ်သည်။ နှစ်နှစ်အတွင်း၌ မိစ္ဆာဂိုဏ်းအား ချေမှုန်းခြင်းစစ်ပွဲကြီး စတင်တော့မည်ဖြစ်ပြီး မရေမတွက်နိုင်သော အသေအပျောက်များစွာ ရှိလာအုံးမည်ဖြစ်သည်။ ၎င်းသည် အစစ်အမှန် အသူတရာငရဲပင် ဖြစ်ပေသည်။
ထို့ကြောင့် အမြန်ဆုံး လိုက်လျောညီထွေဖြစ်အောင် ကြိုးစားရပေမည်။
ဤအခိုက်အတန့်တွင် စုယန်သည် ကျောက်စိမ်း အိမ်တော်၏ အပြင်ဘက်၌ မည်မျှရက်စက် ကြမ်းကြုတ်သောကမ္ဘာကြီး စောင့်ကြိုနေသည်ကို အမှန်တကယ် နားလည်လိုက်ရသည်။
သို့သော်လည်း သူနောက်ပြန်လှည့်၍ မရနိုင်ချေ။
လက်တွေ့ကမ္ဘာသို့ ပြန်ရောက်လိုပါက သည်းခံ စိတ်ရှည်၍ ဇာတ်လမ်းကို ပြီးဆုံးအောင်လုပ်ရမည် ဖြစ်သည်။
စုယန် ပါးပြင်ပေါ်ရှိ ရေစက်များကို သုတ်လိုက်ပြီးနောက် မတ်တပ်ရပ်ကာ အသက်ပြင်းပြင်းရှူထုတ်လိုက်သည်။
မကြာမီပင် ညအချိန်သို့ ရောက်ရှိလာ၏။
မြေရိုင်းလွင်ပြင်တွင် ညအပူချိန်သည် သိသိသာသာ ကျဆင်းသွားပြီး ဆောင်းရာသီကဲ့သို့ အအေးဓာတ်ကို ယူဆောင်လာသည်။
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...