Unicode
အခန်း-၁၀၄ ကျွန်းထိပ်မှ အသေအကြေတိုက်ပွဲ။
[ခင်ဗျားက ကျွန်တော့်ကိုယ်စား ခံခဲ့ရတာလို့ ခံစားနေရတယ်]
ဝါးဥယျာဉ်ကျွန်းဆွယ်၏ အလယ်တွင် တိုက်ပွဲက အချိန်အတော်ကြာအောင် ဆက်လက် ဖြစ်ပွားနေခဲ့သည်။ လသည် ကောင်းကင်အလယ်တိုင်သည်အထိ မြင့်တက်လာကာ ညတစ်ဝက်တာ ကုန်ဆုံးသွားသည် အထိပင်။
နှစ်ဖက်စလုံး အနည်းငယ် မောပန်းနွမ်းနယ်လာချိန်တွင် ဝါးဥယျာဉ်ကျွန်းခြေရင်း၌ တောက်ပသော မီးတောက်များ ထွန်းလင်းလာပြီးနောက် ကြီးမားသော ဆူညံသံနှင့်အတူ ပေါက်ကွဲသံများ ထွက်ပေါ်လာကာ လူတိုင်းကို ကြောက်လန့်စေခဲ့သည်။
ဖုန်းလင်သည် ဝရုန်းသုန်းကားဖြင့် အဝေးမှ ပြေးလာခဲ့သည်။ သူ၏အဝတ်အစားများမှာ စုတ်ပြဲနေပြီး ကြီးစွာသော တိုက်ပွဲကြီးနှင့် ရင်ဆိုင်ခဲ့ရပုံ။
သူသည် စစ်မြေပြင်ထဲကို ဝင်ရောက်ခဲ့သော်လည်း တိုက်ပွဲမှာ မပါဝင်ခဲ့ဘဲ ထန်းယွင်စံအိမ် တပ်ဖွဲ့တွေအား အော်ဟစ်သတိပေးလိုက်လေသည်။
"ဝါးဥယျာဉ်ကျွန်းမှာ ထောင်ချောက်ရှိတယ်။ ကျွန်းတစ်ခုလုံးက ဆီအိုးတွေနဲ့ပြည့်နေတာ။ မိစ္ဆာဂိုဏ်းချုပ် က လူတိုင်းကို သူနဲ့အတူခေါ်သွားဖို့ ရည်ရွယ်ထားတာပဲ။ အခုခေါင်းဆောင်ကုက သူ့ကို ဟန့်တားဖို့ ကြိုးစားနေပြီး အားလုံးကို ဝါးဥယျာဉ်ကျွန်းကနေ ဆုတ်ခွာဖို့ အမိန့်ပေးလိုက်တယ်!"
ထိုစကားကိုကြားသောအခါ လူတိုင်း ထိတ်လန့်သွားကြသည်။
ထိုအချိန်တွင် ဝါးဥယျာဉ်ကျွန်း၏ မြေမြင့်ပိုင်းအနီးတစ်နေရာမှ ပြင်းထန်သော ပေါက်ကွဲသံများ ထပ်မံထွက်ပေါ်လာပြီး မီးလောင်နေသော သေရည်အိုးသည် အမြင့်မှ ပြုတ်ကျလာကာ လူတိုင်း၏ရှေ့တွင် ကွဲကြေသွားခဲ့သည်။ ကြီးမားသော မီးတောက်များသည် နေရာအနှံ့ ပျံ့နှံ့သွားလေ၏။ လူတိုင်း အထိတ်တလန့်ဖြစ်သွားကြပြီး နောက်ပြန်ဆုတ်ရုံကလွဲလို့ မတတ်နိုင်တော့ချေ။
"ဒီကကြိုးတံတားတွေက သစ်သားနဲ့ ဝါးတွေချည်းပဲ။ မြေရိုင်းလွင်ပြင်က ရေရှားပြီး မီးလောင်လွယ်တယ်" ဖုန်းလင်က စိတ်မရှည်စွာ ဆိုသည်။ "ငါတို့ အခုမဆုတ်ရင် အရမ်းနောက်ကျသွားလိမ့်မယ်!"
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
