ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)

အခန်း-၃၀ မြင့်မြတ်သော ဓားပညာရှိ ဂူသင်္ချိုင်း၏သတင်း။

Unicode

အခန်း-၃၀ မြင့်မြတ်သော ဓားပညာရှိ ဂူသင်္ချိုင်း၏သတင်း။

[ဇာတ်လမ်းကို လမ်းကြောင်းမှန်ပေါ်‌ရောက်အောင် သေချာပေါက် ပြန်ဆွဲတင်ရမယ်...]

မိစ္ဆာဂိုဏ်း၊ မျက်ဝန်းကျွန်းဆွယ်။

သခင်ငယ်၏ နေအိမ်။

ညဥ့်နက်နေပြီဖြစ်သော်လည်း သခင်ငယ်၏ နေအိမ်ခန်းမသည် တောက်ပစွာ ထွန်းလင်းနေလေသည်။ ဂန္ဓမာခန်းမဆောင်၏ အကြီးအကဲသည် အခန်း အလယ်တွင် တုန်လှုပ်စွာရပ်နေ‌၏။ သူ့ခြေထောက် အောက်တွင်မူ ပိန်ပိန်သေးသေး ကောင်လေး တစ်ယောက်သည် တုန်တုန်ယင်ယင်ဖြင့် ဒူးထောက်နေလေသည်။

ထိုကောင်လေးသည် အသက်ဆယ့်သုံး၊ ဆယ့်လေးနှစ် အရွယ်သာရှိသေးသည်။ စုယန်သည် ထိုကောင်လေး၏ လုပ်ရပ်ကိုပြန်တွေးပြီး သူ့ခေါင်းတစ်ခုလုံး ပေါက်ကွဲလုနီးပါး ဖြစ်နေလေ၏။

ဒါက ဘာသ‌ဘောလဲ? သူက ကလေးပဲရှိသေးတာလေ! ဒီအကြီးအကဲ... လူယုတ်မာအဘိုးကြီးက ကလေး တစ်ယောက်ကို သူ့အိပ်ယာပေါ်မှာ အစေခံဖို့ ဘယ်လိုစီစဉ်ပေးနိုင်ရတာလဲ?

စုယန်သည် အခန်း၏ခေါင်းရင်း ပင်မကုလားထိုင်တွင် ထိုင်ကာ လက်တစ်ဖက်ဖြင့် သူ့နဖူးကိုဖိထားပြီး ကျန်လက်တစ်ဖက်ဖြင့် တုန်တုန်ယင်ယင် ဒူးထောက်နေသည့်ကောင်လေးကို ညွှန်ပြလိုက်၏။

"လျန်ကျိုး.. သူ့ကို အဝတ်တစ်ထည်ပေးလိုက်အုံး။ ညဘက် အရမ်းအေးတယ်.. သူ့ကို အအေးမမိစေနဲ့"

(T/N: 莲 <လျန်> - ကြာ , 九 <ကျိုး> - ကိုး)

ကြာခန်းမဆောင်မှ အစေခံသည် ထိုစကားကို ကြားသောအခါ ချက်ချင်းပင် အဝတ်တစ်ထည် ယူလာပြီး ကျွီနျန်အား လွှမ်းခြုံပေးလိုက်လေသည်။ ထို့နောက် ခေါင်းငုံ့ကာ နံဘေး၌ ရပ်နေလိုက်၏။

စုယန်က ဂန္ဓမာခန်းမဆောင် အကြီးအကဲကို မေးလိုက်သည်။

"ခင်ဗျားပြောချင်တာက လွန်ခဲ့တဲ့နှစ်အနည်းငယ်တုန်းက ကျုပ် မြေရိုင်းလွင်ပြင်ကနေထွက်သွားတဲ့အချိန် သူ့ကိုခေါ်လာတယ်ပေါ့လေ။ သူ့အပြင် နောက်ထပ် လူငယ်တော်တော်များများကိုလည်း ဖမ်းခေါ် လာခဲ့သေးတယ်ဟုတ်လား?"