ពេលផ្លាស់ប្តូរសម្លៀកបំពាក់រួចរាល់នៅក្នុងឡានទាំង ជុងហ្គុកនិងថេហ្យុង ក៏បានរំសាយការញុំាអាហារពេលថ្ងៃត្រង់នេះចោល ក៏ព្រោះអស់អារម្មណ៍រលីង បើញុំាក៏មិនលេបមិនចូលដែរ ។
ជុងហ្គុក បានអោយ កៃជី បើកឡានទៅផ្ទះអូមេហ្គាតូចដែលមានងារជាស្របច្បាប់បានចុះអេតាស៊ីវិល ក៏ប៉ុន្តែគ្មាននរណាដឹងឮក្រៅពី គេ ថេហ្យុង និងមេធាវីក៏ដូចជាកៃជី ប៉ុណ្ណោះ ។
ង៉ឺតត...
" ចុះមក!! " ខណៈរថយន្តត្រូវបានចតកាលបើដល់គោលដៅ ជុងហ្គុក លាតបាតដៃរងចាំទទួលអោយ ថេហ្យុង ចាប់ដើម្បីចុះមកបណ្តើរគ្នាចូលទៅខាងក្នុងដោយមាន កៃជី តាមទៅជាមួយការពារសុវត្ថិភាព។ អ្នកកំលោះ ជាជំនិតរូបសង្ហានេះណាមិនមែនត្រឹមតែជាជំនិតធម្មតាៗដូចកាយវិការស្តែងបង្ហាញចេញមកក្រៅឡើយ ការពិតគេក៏ជាក្រុមអង្គរក្សឆ្នើមប្រចាំវិមាន ព្រីនស៊ីសគ្រីសស្តាល់ លំដាប់ជួរមុខវឹកហាត់តាំងពីខ្លួននៅអាយុ៨ឆ្នាំដំណើរ ជុងហ្គុក មកម្ល៉េះ ដូច្នេះវាមិនប្លែកឡើយដែលលោកម្ចាស់ធំ អោយគេតាមបម្រើ ការពារមើលថែ ជុងហ្គុក ដែលជាទាយាទនៃត្រកូល ព្រីនស៊ីសគ្រីសស្តាល់ នោះ។
" អ៎ា... កូនថេយ៍ សួស្តីលោកអគ្គនាយក " លោកដេចន ដែលកំពុងជួយរៀបចំអាហារពេលថ្ងៃត្រង់ជាមួយប្រពន្ធ រហ័សរត់មកទទួលអតីតចៅហ្វាយនាយនិងកូនប្រុសជាទីស្រឡាញ់ គាត់ទាញ ថេយ៍ យកថើបថ្ងាសមួយខ្សើតតាមទម្លាប់ តែក៏ចាប់អារម្មណ៍ទទួលដឹង នូវក្លិនឆ្អេះយ៉ាងចម្លែកចេញមកភាយៗ ។
" កូន.... នេះកុំប្រាប់ថា--- "
" ប៉ា... ស៊ូចកុំមាត់កូនខ្មាស់គេមិនទាន់បាត់ទេណា៎ "
ក្នុងនាមជាឪពុកម្នាក់ គាត់ដឹងច្បាស់ពីចរិតកូនខ្លួន ត្រឹមក្រឡេកមើលមុខមួយខ្វាច់ដឹងច្បាស់ដល់ក្រយៅឯណោះ ។ គាត់ហិតក្លិនលើរាងកាយ ថេហ្យុង សម្លឹងមុខគេហារមាត់រកនិយាយតែក៏ត្រូវ អ្នកជាកូនរហ័សអូសទៅម្ខាងខ្សឹបដាក់ត្រចៀកទាំងអៀនក្រហមមុខងាំង ។
" ស្លាប់ហើយៗ... នេះកូន!! ហ៎ាអ៉ើយយយ... ក្បាលឡើងកញ្ចាស់មកនោមដាក់ខោ បើដឹងឮដល់ណាខ្មាស់គេដល់នោះ លោកកូនអើយ!! ទៅឆាប់ឡើងងូតទឹក អាងចុះមកញុំាបាយ " អត់ក្រឺតក្នាញ់ជាមួយអត្តចរិតខ្ជីខ្ជូតរបស់កូនប្រុសពុំបាន លោកដេចនលើកដៃច្បិចចុងច្រមុះស្រួចស្លេមឡើងក្រហម មុនដេញអោយឡើងទៅសម្អាតខ្លួន ។ នេះបើ មីនយ៉ុន ដឹងថាកូនប្រុសទោលរបស់ខ្លួននោមដាក់ខោទៀតគេច្បាស់ជាអង្គុយស្តីប្រដៅ ថេហ្យុង បែកផ្សែងខានញុំាបាយមិនខាន ។
YOU ARE READING
ថ្នមស្នេហ៍ 𝐎 𝐌 𝐄 𝐆 𝐀 ➹
Actionគេមានសំណាង ដែលបានអាល់ហ្វាកំណាចប្រៀបដូចសាតាន ថ្នមស្នេហ៍ថែថួនដូចជាកែវភ្នែកទាំងគូ ។ ជុងហ្គុក ព្រីនស៊ីសគ្រីសស្តាល់ / គីម ថេហ្យុង មីន យ៉ុនហ្គីXផាក ជីមីន ជុងវ៉ូXមីនជូ ដាហ្វារីXថេវ៉ុន
