៧ឆ្នាំក្រោយមក
" ខាមីឡា បងប្រាប់ថាអោយឈប់ភ្លាម!! "
សម្លេងស្រែកឃាត់អោយបញ្ឈប់ដំណើរបន្លឺឡើងខ្ទៀរពេញវិមានទាំងមូល ខណៈដែលកូនស្រីទី៣និងទី៤របស់ ថេហ្យុង ជាមួយ ជុងហ្គុក កំពុងតែរត់ដណ្តើមសៀវភៅមួយក្បាលពេញនោះ ។ ខាមីឡា ជាប្អូនមានវ័យប្រាំឆ្នាំ លីនធៀរ៍ ជាបងមានអាយុ៧ពួកនាងទាំងពីរសុទ្ធតែស្រស់ស្អាតនិងឆ្លាត ទាស់ថាមានចរិតខុសគ្នាដាច់ស្រឡះ ប្រៀបដូចមេឃនឹងដី ។
" មិនឈប់!! " ខាមីឡា រត់បណ្តើរស្រែកប្រាប់អ្នកជាបងបណ្តើរ អោយនាងឈប់មែនទេ? ចាំតែនាងភ្លើឈប់អោយ លីនធៀរ៍ បានយកសៀវភៅកំណត់ហេតុដែលនាងខំលួចយកមកទាំងលំបាកលំបិននោះទៅបានងាយយ៉ាងម៉េច? អត់ទេនាងមិនអាចបញ្ឈប់ចលនាតាមអ្វីដែល លីនធៀរ៍ បានបញ្ជាមកឡើយ ។
" ឈប់ភ្លាម... ចាំមើលតែបងចាប់បានណា!! " លីនធៀរ៍ខឹងក្តៅក្រហាយសង្កៀតជើងធ្មេញ សែនក្នាញ់ជាមួយប្អូនស្រីពៅមួយថ្ងៃៗ គ្មានចេះធ្វើស្អីក្រៅតែពីដើរកូរគេឯង ចេះតែក្លាយជាសំណព្វចិត្តរបស់លោកប៉ានិងអាប៉ាទៅរួច ហេតុតែនាងជាកូនស្រីពៅ ឆើស!!
" បើខ្លាំងបងតាមចាប់មក ហិហិ..." នាងច្រម៉ក់លៀនអណ្តាតសើចលឹបភ្នែកខំប្រឹងរត់ក្រវែលសាឡុងនៃបន្ទប់ទទួលភ្ញៀវ ពួកអ្នកបម្រើស្រីដែលកំពុងជូតសម្អាតតុ ការ៉ូក៏ផ្អាកសកម្មភាព ទុកអោយពួកនាងទាំងពីររត់ដេញចាប់គ្នាសិន ខ្លាចក្រែងពួកនាងទាំងពីររត់ដួលដោយសាររអិលជើងនោះ ប្រាកដជាត្រូវ ជុងហ្គុក ស្តីបន្ទោសអោយមិនខានឡើយ ។
" ដឹបប!! បងប្រុសធំ បងជួយអូនផងមើលបងស្រីចង់ចាប់អូនវាយគូទណា " ដោយរត់មិនបានមើលនិងប្រុងប្រយ័ត្នអោយបានខ្ពស់ ខាមីឡា ក៏រត់ទៅបុកដើមទ្រូងបងប្រុសធំរបស់គេដែលគ្មាននរណាក្រៅពី ជុងវ៉ូ នោះឡើយ ។ រយៈពេលច្រើនឆ្មាំមកនេះ ជុងវ៉ូ ប្រែប្រួលច្រើនណាស់ រវាងគេនិង ថេវ៉ុន ហាក់ដូចជាផ្លាស់ប្តូរវិញ្ញាណគ្នា ដោយ ជុងវ៉ូ ក្លាយជាមនុស្សស្ងៀមស្ងាត់ ចិត្តដាច់ ថេវ៉ុន ពូកែលេងច្រើនតែក៏កាចសាហាវ សម្លាប់ខ្មាំងកាំភ្លើងដែលតាមមកយារយីគ្រួសាររបស់គេអស់ជាច្រើននាក់ទាំងដែលគេមានអាយុទើបតែ១០ឆ្នាំប៉ុណ្ណោះ ។
YOU ARE READING
ថ្នមស្នេហ៍ 𝐎 𝐌 𝐄 𝐆 𝐀 ➹
Actionគេមានសំណាង ដែលបានអាល់ហ្វាកំណាចប្រៀបដូចសាតាន ថ្នមស្នេហ៍ថែថួនដូចជាកែវភ្នែកទាំងគូ ។ ជុងហ្គុក ព្រីនស៊ីសគ្រីសស្តាល់ / គីម ថេហ្យុង មីន យ៉ុនហ្គីXផាក ជីមីន ជុងវ៉ូXមីនជូ ដាហ្វារីXថេវ៉ុន
