ឈានចូលមកដលពេលល្ងាច ជុងហ្គុក ក៏បានភ្ងាក់ពីដំណេកពេលថ្ងៃដ៏សែនសុខស្រួល តែក៏ត្រូវចងចិញ្ចើមមុខក្រញូវ រករឿងមនុស្សក្រោមបង្គាប់អស់ពេញមួយភូមិគ្រឹះ កាលបើបាត់មនុស្សគេងក្បែរដៃ បើទោះជាគេខំរកក្នុងបន្ទប់ឬជុំវិញបរិវេណភូមិគ្រឹះយ៉ាងណាក៏មិនឃើញសូម្បីតែស្រមោល ។
" គីម ថេហ្យុង អូននៅឯងណា...?? ចេញមកកុំលេងបិទពួនជាមួយបងបែបនេះអីមិនល្អទេណា " អ្នកកំលោះអាល់ហ្វាខំប្រឹងស្រែកដង្ហើយហៅរក អូមេហ្គាសំណព្វនៅក្នុងសួនខាងមុខផ្ទះ ទាំងបែកញើសសស្រាក់ ជោគជាំខ្នងអាវស៊ឺមីពណ៌ស ។ វាជិតកន្លះម៉ោងទៅហើយដែលរក ថេហ្យុង មិនឃើញនេះមនុស្សមាឌតូចមួយបាត់ទៅណាក៏គ្មាននរណាឃើញ អ្នកបម្រើពេញភូមិគ្រឹះ សន្តិសុខយាមគរជើង ដល់ពេលគេសួរចម្លើយឆ្លើយថាមិនឃើញទាំងអស់ បែបនេះហើយទើបគេខឹងច្រឡោតខ្លាំងសម្បើមណាស់ ។
" លោកម្ចាស់ពួកយើងទៅរកនៅខាងក្រោយភូមិគ្រឹះហើយតែមិនឃើញទេទាន " បុរសមាឌមាំទាំម្នាក់ ស្លៀកសម្លៀកបំពាក់ជាឈុតពណ៌ខ្មៅឈរនៅឆ្ងាយពី ជុងហ្គុក ប្រហែលជាពីរម៉ែត្រ អោនក្បាលចុះរាយការណ៍ប្រាប់ ពីអ្វីដែលពួកគេបានទៅរកតាមបញ្ជារបស់ ជុងហ្គុក ។
" ស៊ីបាយបង្ហិនតែអង្ករ!! " គេស្រែកគំហកមួយអស់សម្លេងទាំងចងកំហឹងតឹងសរសៃក. ឯពួកអង្គរក្សប៉ុន្មាននាក់នោះក៏រហ័សលុតជង្គង់អោនក្បាលចុះ ទាំងខ្លាចភ័យញីញ័រខ្លួនអស់ទៅហើយ ។ ពួកគេតាមបម្រើ ជុងហ្គុក យូរឆ្នាំដែលហើយ ដូច្នេះចរិតចៅហ្វាយនាយយ៉ាងម៉េចគឺពួកគេដឹងច្បាស់ណាស់ ជាពិសេសពេលខឹងតែម្តង ។
" ជុង ហ៎ាមានរឿងអីម៉េចក៏ស្រែកសម្លុតដាក់ពួកគេបែបនេះ?? " ភ្លាមនោះដែរ សម្លេងឆ្មាៗរបស់ ថេហ្យុង បន្លឺឡើងខណៈរាងតូច ស្ថិតក្នុងស្ថានភាព មើលសឹងមិនយល់សក់ក្បាលមានជាប់ស្លឹកឈើ សម្លៀកបំពាក់ពណ៌ស.ប្រឡាក់ប្រឡោះសុទ្ធតែធូលីកម្ទេចកម្ទីដីអស់រលីង ក្នុងដៃមានកាន់សំបុកចាប់មកជាមួយ បង្ហើរសំនៀងសួរអ្នកកំលោះដែលខឹងសម្បារ នោះអោយរហ័សបែរមុខមករកគេជាប្រញាប់ ។
" ថេយ៍!! អូនទើបមកពីណាដឹងទេបងបារម្ភណាស់ " ជុងហ្គុក ដើរមកចាប់ស្មា ថេហ្យុង អង្រួនតិចៗសួរចម្លើយ ឯរាងតូចគេមិនមាត់គិតតែពីសម្លឹងផ្ទៃមុខសង្ហាភ្លឹះដូចកូនឆ្មា មួយក្បាលសម្លឹងមើលទៅម្ចាស់វាអញ្ចឹង ។
YOU ARE READING
ថ្នមស្នេហ៍ 𝐎 𝐌 𝐄 𝐆 𝐀 ➹
Actionគេមានសំណាង ដែលបានអាល់ហ្វាកំណាចប្រៀបដូចសាតាន ថ្នមស្នេហ៍ថែថួនដូចជាកែវភ្នែកទាំងគូ ។ ជុងហ្គុក ព្រីនស៊ីសគ្រីសស្តាល់ / គីម ថេហ្យុង មីន យ៉ុនហ្គីXផាក ជីមីន ជុងវ៉ូXមីនជូ ដាហ្វារីXថេវ៉ុន
