🌟Soulmate🌟[Season(2)]
~~~~~~~~~~~~~~~~~~~~
Part_ 46"ကျွီ"
"ဟာ ကိုကို ဘာလို့ဝင်လာတာလဲ"
အခန်းထဲကို ကိုကိုကဝင်လာတာမို့ နန်းယဥ် လန့်သွားကာ ကုတင်နဲ့ကွယ်ကာ ငုပ်တုတ်ထိုင်ချလိုက်လေသည်...
"အင်္ကျီလာပေးတာ"
တဘက်ဖြူကြီးကိုရင်လျားပတ်ထားတာမို့ ပေါင်တံဖွေးဖွေးလေးနဲ့ ခြေသလုံးပြောင်ပြောင်လေးတွေက သူ့မျက်စိထဲကမထွက်...
သူဝင်လာတော့ လန့်ရှက်သွားပုံလေးနဲ့ကုတင်နားထိုင်ချလိုက်တာမို့ ခေါင်းလေးသာမြင်ရလေသည်...."ရော့ လာယူ"
"အဲ့နားကခုံပေါ်တင်ခဲ့ နန်းယဥ်ပြီးရင်လာယူမယ်"
မင်းသန့်နိုင်ထွဋ်ကလည်း စလို့ကောင်းနေတာမို့ ညစ်ပြလိုက်လေသည်....
"မထားခဲ့ချင်ဘူး ယဥ်ယဥ် လာယူ"
"ကိုကိုနော် "
ဖုန်းပစ်ထားတဲ့ကိစ္စတောင် သိပ်မကြေလည်သေးတာမို့ သူထပ်မစတော့ပဲ အင်္ကျီကို ထားခဲ့ကာ အပြင်ထွက်ခဲ့လိုက်တော့သည်....
မိုးမိထားသောသူတို့နှစ်ဦးအတွက် ကော်ဖီပူပူလေးနှစ်ခွက်ဖျော်လိုက်ကာ သူမထွက်အလာကိုစောင့်နေလိုက်တော့သည်....
ခဏအကြာမှာ သူရှိရာကို သူ့အင်္ကျီစပို့ရှပ်လေးဝတ်ကာ လျှောက်လာနေတဲ့သူမ...
သူ့အင်္ကျီSizeက သူမလေးရဲ့ ပေါင်လည်လောက်ထိရောက်ကာ အောက်က ခြေတံသွယ်သွယ်လေးများကအထင်းသားဖြစ်လေသည်...."လာ "
သူက ထိုင်လျက်ကနေ လက်ကို ဆန့်ထုတ်လိုက်တော့သူမက မျက်စောင်းလေးထိုးကာ ...
''လာဘူး"
ဘေးကဆိုဖာခုံမှာဝင်ထိုင်ဖို့လုပ်နေတာမို့သူသည်ကုန်းထကာ သူမခါးလေးကနေဆွဲချပြီး သူ့ပေါင်ပေါ်ထိုင်စေလိုက်လေသည်...
"ဟာ့ ကိုကို"
"စိတ်မဆိုးနဲ့ကွာ ကိုကို ချစ်တာသိရက်နဲ့ "
"မသိဘူး မသိဘူး အလကားနေ လူကို စိတ်တိုပြနေတာ မုန်းစရာကြီး"
"ကိုယ်စိတ်တိုအောင် မင်းလုပ်တာကျ ထည့်မပြောဘူး"
"နန်းယဥ် ဘာလုပ်လို့လဲ ကိုကိုရယ်"
YOU ARE READING
🌟Soulmate🌟[Season(2)]
Romanceမူးခိုမောင့်ကိုသတိမရတဲ့နေ့တွေမှာ မောင့်ကမ္ဘာမှာအောက်ဆီဂျင်တွေစပြတ်တောက်လာတော့တာပဲ... အမှတ်တမဲ့ထိမိသွားလို့ရတဲ့ဒဏ်ရာလေးတွေပေမယ့် မင်းအပြုံးချိုမြမြဆိုတဲ့Hiruscarကမရှိတော့ကိုယ့်အလွမ်းနဲ့ကိုယ် အနာဖေးတက်အောင်လုပ်ရတာပဲ... ✨ စိုင်းဟန်ခမ်...