Chapter 97. သဘောပေါက်ခြင်း
"မင်းပြောတာကြားမှ ဒီလူကို စိတ်ဝင်စားချင်လာပြီ။ မနက်ဖြန် အကယ်ဒမီသွားပြီး သူ့ကို ငါကိုယ်တိုင်သွားကြည့်မယ်" ရှီခွန်း အကယ်ဒမီရှိရာကို လှည့်၍ ပြောလိုက်သည်။ သူ့လေသံက သာမန်ကိစ္စတစ်ခု ပြောနေသလို ယုံကြည်ချက်အပြည့်ပင်။
စနိုး ရှက်ရွံစွာ ခေါင်းငုံ့လိုက်သည်။
ငါအသုံးမကျလို့ သခင်လေးကိုယ်တိုင် လှုပ်ရှားရတာ။
"ဆန်းသခင်လေးက ငါ့ကို အပြင်မှာ စောင့်နေသေးတယ်။ သူနဲ့ ငါအခု စကားပြောမယ်" ရှီခွန်း ထွက်သွားရန် ခြေလှမ်းပြင်ပြီးမှ တံခါးဝတွင် ရပ်လိုက်သည်။ မေချောက်ဖုန် ကိုလှည့်ကြည့်၍
"ငွေစ ၇ သန်းခွဲ ရှုံးသွားတဲ့ မင်းရဲ့ လက်အောက်ငယ်သား နာမည်ကဘာလဲ"
"မက်မွန်ပွင့် ၇ ပါ" မေချောက်ဖုန်း ကြောက်ကြောက်လန့်လန့် ပြန်ဖြေသည်။
ရှီခွန်း ခေါင်းငြိမ့်လိုက်ပြီး အေးအေးဆေးဆေး ပြောလိုက်သည်။
"အသုံးမကျတဲ့ဟာတွေကို ဘေးနားမှာထားတာ အလကားပဲ။ သူ့ကို နုပ်နုပ်စင်းပြီး ခွေးကျွေးလိုက်"
"ဟုတ်..ဟုတ်ကဲ့" မေချောက်ဖုန်း အေးစက်သွားရသည်။ ။
ဒါက ရှီခွန်း သူ့ကို သတိပေးခြင်းမှန်း သူသိပြီး အနည်းငယ် မကျေနပ်ပေ။ သူက အာဏာအပြည့်အဝရှိသော လပြည့်မြို့ မြေအောက်လောကခေါင်းဆောင် ဖြစ်သည်။ဘယ်အချိန်က လူငယ်တစ်ယောက် သူ့ကို ဒီလို ခြိမ်းခြောက်ဖူးလို့လဲ။
သို့သော် သူ့မကျေနပ်မှုက ရှီခွန်းနောက်က အဘိုးအိုတစ်ယောက်ကို တွေ့ပြီး ပျောက်ကွယ်သွားရသည်။ ရှီခွန်းက သူ့အတွက် ခြိမ်းခြောက်မှုတစ်ခုမဟုတ်ပေ။ သူ့ကို ယှဉ်နိုင်ရန်ဝေးပေသည်။ သို့သော် ဒီလူကြီးကတော့ မေချောက်ဖုန် ထက် အဆများစွာ ပိုအားကောင်းလေသည်။
ကြည့်ရတာ ရှီအိမ်က ထည့်တွက်သင့်တဲ့ အိမ်တော်တစ်ခုပဲ။ အစောင့်တစ်ယောက်ကတောင် ဒီလောက် အင်အားကောင်းတယ်။
မေချောက်ဖုန်း စိတ်တွင် ပြိုလဲသွားသည်။ သူ့လို သိုင်းလောကက လူများမှာ ဒီလို အိမ်တော်ကြီးများ ကြိုးဆွဲရာကနေရခြင်းက ဝမ်းနည်းစရာပင် ။
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
