124
"ကျေးဇူးပါ ကျေးဇူးပါ " ဇူအန် ပိုက်ဆံများစွာ ရလိုက်ပြီး ချန်ရှို့ပင်း၏ စိတ်မချရသော စရိုက်ကို အသုံးချရန် နည်းလမ်းစဉ်းစားမိသွားသောကြောင့် စိတ်ချမ်းသာနေသည်။
ဆန်းရှန် နှင့် ကျန်းတန် စကားအနည်းငယ်ပြောပြီးမှ ထွက်သွားကြသည်။ ဇူအန်အမြင်ကွယ်ရာ ရောက်ရောက်ချင်း ဆန်းရှန် မျက်နှာ ချက်ချင်းရုပ်ဆိုးသွားသည်။
"သေစမ်း ငါဘာလို့ ရူးရုးမိုက်မိုက်နဲ့ လောင်းကြေးပြောင်းပေးလိုက်ရတာလဲ"
ကျန်းတန်လည်း ခါးသက်သက် မျက်နှာရှိနေသည်။
"စာဖတ်ဖော်တစ်ယောက်က သခင်ရဲ့အမိန့်ကို စိတ်တိုင်းကျပြောင်းရဲတဲ့အထိ အတင့်ရဲမယ်လို့ ဘယ်သူက ထင်မှာလဲ"
ဆန်းရှန် ထိုစကားများကို သဘောတူလေသည်။ ရုတ်တရက် အတွေးတစ်ခုပေါ်လာပြီး
"ဒါက တကယ်ကို အဓိပ္ပာယ် မရှိဘူး။ ဇူအန်ကို ငါတို့လောင်းကြေးပြောင်းလိမ့်မယ်လို့ ကြိုခန့်မှန်းထားပြိး ယွမ်အိမ်ကို သတင်းမှားပေးဖို့ တမင် အရှုံးဘက်ကလောင်းတာလို့ မင်းထင်လား"
"သူသာ အဲ့လောက် အရှည်ကြီး တွေးနိုင်ရင် သူက တကယ် ကြောက်စရာကောင်းတဲ့လူဖြစ်သွားလိမ့်မယ်" ကျန်းတန် ခေါင်းယမ်းလိုက်သည်။
"သူအဲ့လောက်အထိ ကျွန်မတို့လုပ်ရပ်ကို ခန့်မှန်းနိုင်မယ်လို့ ကျွန်မ မထင်ဘူး။ သူက ယွမ်အိမ်ကို လှည့်စားဖို့ ငွေစ တစ်သောင်း အဆုံးခံလိုက်တာဖြစ်ရမယ်။ ကျွန်မတို့ လောင်းကြေးကိုပြောင်းမိသွားတာ ဖြစ်ရမယ်"
"သေစမ်း" ဆန်းရှန် အခုတလော ကံမကောင်းဘူးလို့ ခံစားမိသည်။ ဘာလုပ်လုပ် အဆင်မချောပေ။
သင်သည် ဆန်းရှန် ထံမှ အမျက်ပွိုင့် ၉၉၉ ရယူလိုက်သည်။
"ကျွန်မတို့ရဲ့ စာရွက်လဲမယ့် အစီအစဉ်ကပျက်စီးသွားပြီ ။ ဘာဆက်လုပ်ကြမလဲ" ကျန်းတန် ယခင်ရေးထားသော လောင်းကြေးစာရွက်ကို ဆုတ်ဖြဲလိုက်ပြီး မေးလေသည်။
"ကြည့်ရတာ မင်းကိုပဲ အားကိုးရတော့မယ် ထင်တယ်" ဆန်းရှန် ကျန်းတန် ကို ကြည့်၍ ပြောလိုက်သည်။
ကျန်းတန် မျက်နှာ အေးစက်သွားသည်။
"ရှင်က ကျွန်မကို ပျားရည်ထောင်ချောက် ထပ်ဆင်ခိုင်းတာလား"
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
