Chapter 181: ဝိရောဓိ
ရွာသားများ သူတို့ကို ကူညီထားသောကြောင့် ရှောင်းရွှယ်ယင် မီးငြှိမ်းကူပြီး ဒဏ်ရာရသူများကို ဝိုင်းသယ်ပေးနေသည်။ တစ်ခါတစ်ခါ ပြိုကျလုနီးသော အမိုးများကိုလည်း နွယ်များဖြင့် ထောက်ပေးသေးသည်။
ဇူအန်ကတော့ သူတို့ကိုဝိုင်းမကူဘဲ လယ်ကွင်းဘက်ကို ဦးတည်သွားလိုက်သည်။ ရှောင်းရွှယ်ယင် သူ့ကို လှမ်းခေါ်ချင်သော်လည်း ဇူအန်နောက်ကျောကိုကြည့်၍ စုပ်သတ်လိုက်မိသည်။
ဘယ်လိုတောင် သဘောထားသေးရတာလဲ။ အရင်ဖြစ်ရပ်ကြောင့် ရွာသားတွေကို အခုထိ အငြှိုးထားနေသေးတာလား။
ဇူအန် လယ်ကွင်းထဲက အလင်းဆုံးနေရာကိုသွား၍ သူ့မှတ်ဉာဏ်ထဲမှ တစ်စုံတစ်ခုကို အတည်ပြုချင်သည်။
ဥက္ကာပျံခဲက အစိတ်စိတ်အမွှာမွှာ ကွဲသွားပြီး အကြီးဆုံးအစိတ်အပိုင်းက ရွာ၏ ကီလိုမီတာတစ်ဝက်အကွာတွင် ကျသွားခြင်းပင်။ အဝေးကတောင် အပုချိန်ကို ခံစားနေရ၍ ဇူအန် ကီဖြင့် အကာအကွယ်ယူလိုက်သည်။
ဒါတောင် ကျင့်ကြံမှုအဆင့်နိမ့်သောကြောင့် အနီးကို မကပ်နိုင်ပေ။ အနီးတွင် မီးလောင်မှုများရှိသေး၍ ဇူအန်အဝေးတွင်သာ ရပ်နိုင်လေသည်။ သို့သော်လည်း ဇူအန် ရှာနေသောအရာကို တွေ့လိုက်သည်။
ဥက္ကာပျံမျက်နှာပြင်ပေါ်က စာကြောင်းများကြောင့် ဇူအန် မျက်နှာထူးဆန်းသွားသည်။ မိုးကောင်းကင်က တကယ်ပဲ တည်ရှိတဲ့အရာလားဟု ဇူအန် ခေါင်းမော့ကြည့်မိသည်။
လေးလံသောစိတ်ဖြင့် ရွာထဲ ပြန်လာလိုက်သည်။ ရှောင်းရွှယ်ယင် သူ့ကို အသာဆွဲကာ
"ရှင်ဘယ်သွားနေတာလဲ။ အခုပြန်ရောက်လာပြီဆိုတော့ ရွာသားတွေကို တစ်ချက်ကူလိုက်ဦး"
သို့သော် ဇူအန် ခေါင်းယမ်း၍ ပြန်ဖြေသည်။
"ဘာထူးလဲ။ ငါတို့က ရလဒ်ကိုမှ မပြောင်းနိုင်တာ။ အကုန် အလကားပဲ"
ရှောင်းရွှယ်ယင်က စိတ်တိုသွားသည်။
"ရှင်ဘယ်လို လုပ်နိုင်ရတာလဲ။ ဟုတ်တယ်။ သူတို့က ရှင့်ကို ရိုင်းရိုင်းစိုင်းစိုင်းဆက်ဆံပေမဲ့ အဲ့တာက ဒီတိုင်းပြည်ရဲ့ ဥပဒေကြောင့် ဖြစ်ရတာလေ။ အဲ့တာပြီးတော့ သူတို့ကြင်နာမှုကို ပြသေးတာပဲ။ ကျွန်မတို့ကို ရေနဲ့ ဆေးတွေ ပေးသေးတယ် မဟုတ်ဘူးလား"
ŞİMDİ OKUDUĞUN
ကီးဘုတ်အင်မော်တယ်-ဇူအန် (Zawgyi + Unicode)
Aksiyonအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
