Chapter 119.
ဘာဖြစ်သွားတာလဲ
လူအုပ်က အော်ဟစ်အားပေးနေတုန်းရှိသေး အားလုံး ငြိမ်ကျသွားသည်။ လူတိုင်း မယုံနိုင်စွာ မျက်လုံးပြူးသွားကြသည်။
ဆန်းဟုန် ကျန်းလော့ဖူ ချီရီနှင့် အခြားအကျော်အမော်များ စကားစမြည်ပြောနေကြသည်။ဝူ၊ကျန်းနှင့်ယွမ်အိမ်က လူများက ချူကျုန်းထန် အရှက်ရတာကို စောင့်ကြည့်နေကြသည်။ ဇူအန် စင်ပေါ်ရောက်သွား၍ ရှီခွန်း စိတ်အေးသွားရပြီး ရေနွေးသောက်ရန်ပြင်နေသည်။
ထိုအချိန်တွင် အားလုံး ကြောင်အပြီး ငြိမ်သွားသည်။
မျက်လုံးမှောက်နေတာများလား။ ဇူအန်က ယွမ်ဝမ်ဒုံကို ပါးရိုက်လိုက်တယ်။ ဒါက ဘယ်လို ဖြစ်နိုင်မှာလဲ။
လူတိုင်း၏ အတွေးက သူတို့အမြင်မှားနေသည်ဟုပင်။ ယွမ်ဝမ်ဒုံက နာမည်ကျော်သော အဆင့် ၅ ကျင့်ကြံသူဖြစ်ပြီး ဇူအန်ကတော့ သာမန်လူထက်ပင် အားနည်းသော နာမည်ကြီး အလကားလူပင်။
မျက်စိပွတ်၍ ဘေးကလူကို အတည်ပြုရန် မေးလိုက်ကြသည်။ နောက်ဆုံး သူတို့အမြင်မှားခြင်းမဟုတ်ကြောင်း သိလိုက်ရ၍ ဆူညံသွားသည်။
သူဘယ်လိုလုပ်လိုက်တာလဲ
ဇူအန် ကြိုးဝိုင်းပေါ်တက်သွားသည်ကို ကြည့်၍ ချူအိမ်မှလူများ လိုက်ဆွဲရန် ပြင်နေသည်။ သို့သော် ထိုမြင်ကွင်းက သူတို့ကိုလည်း မင်သက်သွားစေသည်။ ချူကျုန်းထန်က ချင်ဝမ်ယွီ နှင့် အကြည့်ချင်းဖလှယ်လိုက်ပြီး ချူချူယန် တုန်သွားသည်။ သူတို့မျက်လုံးများက နားမလည်နိုင်မှုများ ပြည့်နေလေသည်။
ထမ်းစင်ပေါ်တွင် လှဲနေသော ချူဟွမ်ကျောက် တစ်ယောက်တည်းသာ ဝမ်းသာအားရ လက်ခုပ်တီးလေသည်။
"လုပ်တာကောင်းတယ် ခဲအို အားရိုး..."
လှုပ်ရှားမှုက ဒဏ်ရာကို ထိသွား၍ နာကျင်စွာ အော်လိုက်မိသည်။
ယွမ်ဝမ်ဒုံ လုံးဝ ကြောင်သွားသည်။ ရိုက်ချက်ကြောင့် သူ့ခေါင်းက အလုပ်မလုပ်သေးချေ။ ပါးပေါ်မှ နာကျင်မှုကြောင့်သာ မဟုတ်ပါက ဘာဖြစ်သွားလဲသိရန် စူးစမ်းမိပေမည်။
STAI LEGGENDO
ကီးဘုတ်အင်မော်တယ်-ဇူအန် (Zawgyi + Unicode)
Azioneအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
