Chapter 177: သက်တမ်းတစ်ဝက်ကံကြမ္မာ
"မင်းဘာကြည့်နေတာလဲ။အော် ငါသိပြီ မင်းက တစ်ချိန်လုံး ငါ့ကို သဘောကျနေတာပဲ။ ငါ့ရဲ့ အာရုံစိုက်မှုရချင်လို့ ငါ့ကို တစ်ချိန်လုံး ဆန့်ကျင်နေတာ" ဆယ်ကျော်သက်များ အချစ်နှင့်စထိတွေ့စဉ် မည်သို့ပြုမူရမှန်းမသိ၍ သူတို့ crush ၏ အာရုံစိုက်မှုရရန် အနိုင်ကျင့်မိကြကြောင်း ဇူအန် သတိရလိုက်သည်။
အမ်း..ဒါက လုံးဝ အဓိပ္ပာယ် ရှိတယ်။
"..."ရှောင်းရွှယ်ယင်
သင်သည် ရှောင်းရွှယ်ယင် ထံမှ အမျက်ပွိုင့် ၉၉၉ ရယူလိုက်သည်။
"ထားလိုက်ပါတော့ ငါတို့က အခုသေတော့မှာဆိုတော့ မင်းကို ဗွေမယူတော့ဘူး" ဇူအန် သက်ပြင်းချ၍ ဆက်ပြောသည်။
"စိတ်မပူနဲ့ တမလွန်မှာ ချူယန်နဲ့ ပြန်တွေ့ရင်တောင် မင်းငါ့ကို နမ်းခဲ့တာ ပြန်မပြောပါဘူး"
"..." ရှောင်းရွှယ်ယင်
သင်သည် ရှောင်းရွှယ်ယင် ထံမှ အမျက်ပွိုင့် ၁၀၂၄ ရယူလိုက်သည်။
ဇူအန်က တစ်ခုခုဆက်ပြောချင်သေးသော်လည်း ရှောင်းရွှယ်ယင် ပေါက်ကွဲသွားလေပြီ။
"နင် မတော်သေးဘူးလား"
"မတော်သေးဘူး။ လိုအပ်ရင် ၃ရက်ဆက်တိုက် ဆက်ပြောနိုင်တယ်။ မိုးနတ်မင်းက ငါ့ကို စွမ်းအားကောင်းတဲ့ ပါးစပ် ချီးမြှင့်ထားတယ် မင်းတောင် မနေနိုင်လို့ နမ်းလိုက်သေးတယ် မလား"ဇူအန် သူ့ပါးစပ်သူ ပြန်ထိ၍ ပြောလိုက်သည်။
".."ရှောင်းရွှယ်ယင်
သင်သည် ရှောင်းရွှယ်ယင် ထံမှ အမျက်ပွိုင့် ၁၀၂၄ ရယူလိုက်သည်။
ဒီအချိန်မှာ တကယ် ဒေါသထွက်လာပြီဖြစ်သည်။
ဒီမျိုးမစစ်ကတော့…ငါ သရဲဝင်ပူးနေလို့ သူ့ကို ဟိုလိုအတွေးမျိုး ဝင်မိတာဖြစ်ရမယ်။
အသက်ပြင်းပြင်ရှိုက်၍ အေးစက်စက် ပြောလိုက်သည်။
"နင့်ကိုယ်နင် ထူးခြားတာ မခံစားမိဘူးလား"
"ထူးခြားတာလား...ဘာများထူးခြားနိုင်လို့..အမ်" ဇူအန် လက်မြှောက်လိုက်ပြီး ကြောင်သွားသည်။ သူ့ဒဏ်ရာအများစု ပျောက်သွားပြီး ကုန်ခမ်းသွားသော ကီများပင် ပြန်ပြည့်သွားကြောင်း တွေ့လိုက်ရသည်။
"ဘာ..ဘာဖြစ်သွားတာလဲ"
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
