Chapter 106. မင်းငါ့ကို ဆက်တိုက် ငြင်းနေပေမဲ့
ရှီခွန်း မျက်ခုံးများ လှုပ်လာသည်။ အမှန်တော့ ကွင်းလယ်တွင် ရပ်ရန် အပြစ်ပေးခြင်းက ဘာမှမဟုတ်ပေ။ သူက အာရုံစိုက်ခံရခြင်းကို ကျင့်သားရပြီးသားပင်။ သူ့လို ရုပ်ရည်ရှိသောသူက ဘယ်နေရာသွားသွား လူကြားထဲ ထင်ပေါ်နေခြင်းက သဘာဝပင်။ သူ့ဖြတ်ထိုးဉာဏ်ဖြင့် အပြစ်ဒဏ်ကို ပရိသတ်တွေ့ဆုံပွဲ လုပ်လိုက်၍ ရလေသည်။
ဇူအန် အရှက်ခွဲမှုကို တွေး၍ မခံမရပ်နိုင် ဖြစ်နေခြင်းပင်။
သို့သော် ဒီသစ်သားပြားကို ချိတ်ဆွဲလိုက်ပါက မတူတော့ပေ။ ထိုအရာက သူ့ကို လူတကာ ဆော့ကစား၍ရသော အိမ်မွေးတိရိစ္ဆာန်လို သဘောသက်ရောက်သွားပေလိမ့်မည်။
"မင်း ဒါက ဘာကို ဆိုလိုတာလဲ" ရှီခွန်း ဇူအန်ကို ဒေါသတကြီး မျက်စောင်းထိုးလိုက်သည်။
သင်သည် ရှီခွန်း ထံမှ အမျက်ပွိုင့် ၄၄၄ ရယူလိုက်သည်။
"ငါက ဒါကို မင်းအတွက် စဉ်းစားပြီး လုပ်ပေးနေတာ " ဇူအန် အပြုံးဖြင့် ပြန်ဖြေသည်။
"ရှီအိမ် သခင်လေးတစ်ယောက်က လူကြားထဲ အလှောင်ခံရရင် ဘယ်လောက်ဆိုးမလဲ စဉ်းစားကြည့်လိုက်။ အဲ့တာကြောင့် သူတို့ကို မရယ်အောင် ငါအထူး ပြင်လာပေးတာ။ အဲ့တာ ငါ့ စေတနာကို ပြသပေးတာလေ"
စေတနာ ဟုတ်လား ငါ့ခေါင်းပဲ။
ရှီခွန်း ရူးမတတ် ခံစားလိုက်ရသည်။ ထိုအခါမှ သူပြဿနာတစ်ခု စဉ်းစားလိုက်မိခြင်းပင်။
"ခနနေဦး ။ ဒီဆိုင်းပုဒ်ကို ဘယ်တုန်းက ပြင်လာတာလဲ။ အစတည်းက ငါ့ကို ပြဿနာရှာဖို့ ပြင်ထားတာတော့ မဟုတ်ဘူးမလား။"
ဇူအန် ပုခုံးတွန်းပြလိုက်သည်။
"ငါက လိုအပ်လို လိုအပ်ငြား ပြင်လာတာ။ မင်းက ဒီလောက် ပူးပေါင်းဆောင်ရွက်မယ်လို့ ဘယ်သူထင်မှာလဲ။ မင်းဒီလောက် စိတ်အားသန်နေမှတော့ ဒါကို ထုတ်မပြရင် ငါစိတ်မကောင်းလို့"
"..."ရှီခွန်း
သင်သည် ရှီခွန်း ထံမှ အမျက်ပွိုင့် ၈၁၃ ရယူလိုက်သည်။
အခန်းထဲမှ ကျောင်းသားများ ရှီခွန်း ဇူအန်ကို ပေါက်ကွဲလာမည်ကို စိတ်ရှည်စွာ စောင့်ဆိုင်းနေကြသည်။ ထိုသို့ဆိုလျှင် ဇူအန်ကို ကာကွယ်ရန် ချူချူယန် ရှေ့တက်ရမည်။ အကယ်ဒမီက အကြီးအကဲများပင် သတိပြုမိသွားနိုင်လေသည်။
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
