Chapter 163: ဆန်းကြယ်သော မိန်းမတစ်ယောက်၏ အသံ
ချူချူယန်ကို ရင်ခွင်ပိုက်ကာ လှိုဏ်ဂူ အတွင်းပိုင်းသို့ ဇူအန် ဦးတည်နေသည်။ လွန်ခဲ့သော နာရီဝက် အချိန်ကဆိုပါက သူ့တွင် ရှီခွန်းကို မျက်ခြေဖြတ်နိုင်မည့် အခွင့်အရေးတစ်ခုရှိလာလျှင် သေချာပေါက် နောက်ကြောင်းလှည့်ကာ သင်္ချိုင်းဂူ အတွင်းမှ ထွက်သွားမည်ဖြစ်သည်။ ဖုတ်ကောင် စစ်တပ်မှာ သူ့အဖို့ ကြီးမားသော အန္တရာယ်တစ်ခုလည်းဖြစ်နေသည်။
သို့သော်လည်း ယခု ဖုတ်ကောင်များကို ဟန့်တားနိုင်သော မှော်ဓါတ်မီး ၏ စွမ်းရည်ကို မြင်တွေ့ပြီးနောက် စိတ်ပြောင်းသွားခဲ့သည်။
ဂိမ်းများ၊ ဝတ္ထုများ မှ အတွေ့အကြုံများအရ ဤကြက်သီးထစရာ သင်္ချိုင်းဂူမှာ အန္တရာယ်များသော်လည်း ဆုလဒ်များ ရတနာများမှာ စွန်းစားရခြင်းနှင့် တိုက်ရိုက်အချိုးကျနေသည်။
ဤနေရာတွင် စောင့်ဆိုင်းနေသော အံဖွယ် ရတနာများကို ရှာတွေ့ရန် အခွင့်ကောင်းတစ်ခုဖြစ်သည်။
အာဆယ်မြေအောက်ဂူ သို့ ဝင်ရောက်ရခြင်း၏ ရည်ရွယ်ချက်မှာ မှေးမှိန်ကြာပွင့်ကို ရှာဖွေကာ သူ၏ အချိတ်အပိတ်ကို ဖျက်ရန်ဖြစ်သည်။ သူ၏ ကျန်ဘဝတစ်လျှောက်လူံး ကောင်းချီးခြင်း သို့မဟုတ် ဒုက္ခရောက်ခြင်း ဖြင့် နေထိုင်ရမည်မှာ ၎င်းအဖိုးတန် ရတနာ အပေါ် မူတည်နေသည်။ ထို့ကြောင့် ထိုအဖိုးတန်ရတနာအား အမဲလိုက်ခြင်းကို လက်လျော့မည်မဟုတ်ပေ။
ယခုအချိန်တွင် သူ၏ လက်ထဲ၌ ဝှက်ဖဲတစ်ချပ် ရှိနေပြီဖြစ်သောကြောင့် ၎င်း၏ စွမ်းရည်ကို အပြည့်အဝ အသုံးမချပါက နှမြောစရာကောင်းပေတော့မည်ဖြစ်သည်။
“ဒီ ဓါတ်မီးရဲ့ အသုံးပြုနိုင်တဲ့ ကြာချိန်ကို ဘယ်လို ရေတွက်သလဲ သိချင်မိတယ်”
မှော်ဓါတ်မီး မှာ သုံးကြိမ် သာ အသုံးပြုနိုင်ကြောင်း ဇူအန် သတိရလိုက်သည်။
အဲ့ဒါက ဒီတစ်ချိန်လုံး လင်းနေတာဆိုတော့ အလင်းရောင် မပျောက်သွားသရွေ့အသုံးပြုမှုတစ်ကြိမ် လို့ပဲ သတ်မှတ်တာလား။
အကယ်၍ အဲ့ဒီလိုသာဆိုရင် ဒီသင်္ချိုင်းဂူ မှာ အလင်းမှိန်မှိန်လေး ရှိနေတဲ့အတွက် ဓါတ်မီးကလည်း အားပြန်ပြည့်နေတယ်။
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...
