ဆန်ကုန်မြေလေးGong၏ ဗီလိန်အစ်ကိုအားလက်ထပ်ခြင်း {Completed}

Chapter 7✰Edited

Unicode

Chapter 7 : တစ်ညအိပ်ပါတနာက ငါ့ကိုတာဝန်ယူစေချင်နေတယ်?

...လက်ထပ်မယ်!

ဘယ်သူက ဘယ်သူနဲ့လက်ထပ်မှာလဲ?!

မသိစိတ်အလျောက် ကျင်ရွှင် ဒါကို သူနားကြားမှားတယ်လို့ထင်လိုက်မိသည်။

သို့ပေသိ တစ်ဖက်လူက အမူအရာမဲ့တဲ့မျက်နှာထားနဲ့ ရှိနေသည်။ ချောမောတဲ့ မျက်နှာအစိတ်အပိုင်းတွေနဲ့ တည်ကြည်လေးနက်တဲ့မျက်လုံးတွေ၊ ထိုအရာအားလုံးက သူနားကြားမှားတာမဟုတ်မှန်း ပြသနေလျက်။

ကျင်ရွှင်က အင်တင်တင်ဖြင့်ပြုံးပြလိုက်ကာ:
" ဒါက...ရှဲန်းရှန်နောက်နေတာမလား၊ ဟုတ်တယ်မလားဟင်?"

တစ်ဖက်လူမှ ပြန်မေးလာသည် :
" မင်းက အဲ့လိုထင်တာပေါ့?"

"......"

တည်ကြည်တဲ့မျက်နှာနဲ့ အမျိုးသားက သူ့အားအပေါ်အောက်စုန်ဆန်စိုက်ကြည့်ကာ ပိုလို့တောင်အေးစက်လာပြီး ပိုတည်ကြည်လေးနက်လာပုံပေါ်သည်။

တစ်ဖက်လူက ဘာကိုဆိုလိုမှန်း မသိတာကြောင့် ကျင်ရွှင်က *ကျည်ဆန်ကိုကိုက်ကာ အမှန်အတိုင်းပြောလိုက်သည်
" အဓိကအရာကတော့ ...ကျွန်တော်တို့က တစ်ယောက်နဲ့တစ်ယောက် သိတာလဲသိပ်မကြာသေးဘူးလေ...ကောင်းပြီ...ကျွန်တော်တို့အချင်းချင်းသိတာ နှစ်ရက်ပဲရှိသေးတယ်လေ..."

[*Bite the bullet - မကောင်းသော သို့မဟုတ် ခက်ခဲတဲ့အရာတစ်ခု (သို့) ခက်ခဲတဲ့အခြေအနေမှာ ရဲရင့်ခြင်း]

ဒါ့အပြင် ခင်ဗျားဘယ်သူဆိုတာနဲ့ ခင်ဗျားနာမည်ကိုတောင် ကျွန်တော်မသိသေးဘူးလေ၊ ဒီတော့ ခင်ဗျားကဘာလို့ လက်ထပ်မဲ့အကြောင်းလာပြောနေရတာလဲဗျ?

နောက်ဆက်တွဲစကားလုံးတွေကို သူပြောဖို့အခွင့်အရေးမရသေးခင်မှာပဲ တစ်ဖက်လူက ပြောလာသည်
" တိတိကျကျပြောရရင် ကိုယ်တို့တစ်ညပဲတွေ့ဖူးတာပါ"

ကျင်ရွှင် : "..."

" တစ်နေ့ညက မင်း ကိုယ့်သီးသန့်ခန်းထဲကို ကျူးကျော်ဝင်ရောက်လာတာလေ"

"..." ကျင်ရွှင့်မျက်တောင်လေးတွေ အဆက်မပြတ် တဖျတ်ဖျတ်လှုပ်ခတ်သွားကာ ရုတ်ခြည်း သူချွေးအနည်းငယ်ထွက်လာသလို ခံစားရသည်။ ဒီတစ်ကြိမ်မှာတော့ သူအမှန်ပင် အပြစ်ရှိသလိုခံစားမိ၏။