ကျီဖန်ယင်းသည် သူမစိတ်ထဲတွင်ရှိနေသည့် အစီအစဉ်များကို အကဲဖြတ်ရန် အချိန်အနည်းငယ်ယူခဲ့ရသည်။ နောက်ဆုံးတွင်၊ သူမသည် ကား၏bluetoothကို သုံးကာ စုန့်ရှီးယွီကိုခေါ်ဆိုလိုက်သည်။ “ငါအခုအားနေတယ်။ ဟိုတနေ့က နင်ငါ့ကိုဖုန်းဆက်တာ ကြိုချိန်းချင်လို့လား။"
“…” စုန့်ရှီးယွီ၏ အသံသည် ပုံမှန်ထက် ပိုနက်နဲကာ ပြတ်သားနေသည်။ "မင်းမှာဘာအလုပ်ရှိလို့လဲ။ တခြားယောက်ျားတွေနဲ့ ပရောပရည်လုပ်တာလား။”
"ငါ့ရဲ့ကိုယ်ရေးကိုယ်တာကိစ္စတွေကို နင့်ကိုရှင်းပြဖို့ မလိူဘူးလို့ ထင်တာပဲ။"ဟုပြောရင်း ကျီဖန်ယင်းသည် လမ်းပေါ်ရှိ ကားပါကင်အလွတ်တစ်ခုတွင် သူမကားကိုရပ်ရင်းပြောလိုက်သည်။ "ဒါပေမယ့်လည်း နင်အတွေးလွန်နေမှာစိုးလို့ နင့်မေးခွန်းကို ငါဖြေပေးလိုက်မယ်။ ငါလောလောဆယ် အချစ်ဇာတ်လမ်းတွေလုပ်ဖို့ စိတ်မဝင်စားဘူး"
စုန့်ရှီးယွီ တိတ်ဆိတ်သွားသည်။
“အခု ၉နာရီရှိနေပြီ” ဟု ပြောသည်။ "ချက်ချင်း ဘားမှာ ငါ့ကိုလာတွေ့။"
ကျီဖန်ယင်းက ဆင်ခြေပေးရန် စဉ်းစားလိုက်သည်။
သူမအရင်တစ်ခေါက်ကလို 'နားရက်' ဟူသော ဆင်ခြေကို မသုံးရသေးခင် စုန့်ရှီးယွီက "ငါမင်းကို နှစ်ဆပေးမယ်။"
သူက တိုးပေးနေတာလား။
ကျီဖန်ယင်းက အချိန်ကို ကြည့်ပြီး “ဒါဆို သုံးနာရီပေါ့” ဟု ပြန်ဖြေသည်။
"သန်းခေါင်ကျော်ရင်ရော"
ကျီဖန်ယင်းက ဒီပြဿနာကို တွေးတောလိုက်ပြီးနောက် စိတ်အားထက်သန်စွာဖြင့် “၁၂နာရီကနေ ၃နာရီအထိဆို ၅ ဆ၊ ၃နာရီကနေ ၉နာရီထိကကျ ဆယ်ဆပေးရမယ်။” လို့ ပြန်ဖြေလိုက်တယ်။
သူမသည် လုံလောက်စွာ အနားယူရန် လိုအပ်ပြီး အချိန်ပိုအလုပ်လုပ်ရပါက လျော်ကြေးပေးသင့်သည်။ ထိုသို့သော အနားယူချိန်များတွင် သူမဘယ်လိုလုပ် အလုပ်လုပ်ချင်စိတ်ရှိပါ့မလဲ။
သူမ၏ဓားပြတိုက်သော စျေးနှုန်းများကြောင့် စုန့်ရှီးယွီသည် အချိန်ကိုမတိုးခဲ့ပေ။
YOU ARE READING
တစ်နာရီတစ်သိန်း အစားထိုးချစ်သူ
General FictionTitle - 100000/ Hour Professional Stand-in {职业替身，时薪十万} Author - 渊爻 THIS IS NOT MY WORK JUST TRANSLATION CREDIT TO ALL AUTHOR AND TRANSLATOR(s)
