တစ်နာရီတစ်သိန်း အစားထိုးချစ်သူ

အခန်း၃၄

ကျီဖန်ယင်းသည် ဘိုင်ကျိုး လျှောက်လည်​နိုင်လောက်မည့်နေရာများစွာကို စဉ်းစား​ကြည့်ခဲ့သော်လည်း သူ၏ရွေးချယ်မှုက သူမကို လုံးဝအံ့အားသင့်စေခဲ့သည်။

ရွှေဇွန်းကိုက်မွေးလာသော စိတ်​မြန်လက်မြန်ရှိသည့် လူငယ်တစ်ဦးဖြစ်သော်လည်းပဲ သူ၏ရွေးချယ်မှုခဲ့သည့်နေရာသည် အလယ်တန်းကျောင်းသားများသာ သွားမည့် သမိုင်းဝင်နေရာတစ်ခုဖြစ်သော neoprint boothဖြစ်သည်။

neoprint booth

ကျီဖန်ယင်းသည် neoprint boothကို တွေ့လိုက်ရသည့်အခိုက်တွင် သူမ၏အမူအရာများသည် ခဏလောက်ပျက်ယွင်းသွားခဲ့ပြီး ခံစားချက်အစစ်အမှန်ကို ထုတ်ဖော်ပြသမိသွားခဲ့သည်။ ကံမကောင်းစွာနဲ့ပဲ ဘိုင်ကျိုးက အဲဒါကို မြင်လိုက်သည်။

"ပေါက်တတ်ကရတွေလုပ်မနေဘဲ ပိုက်ဆံပေးထားတဲ့အတိုင်းလုပ်။"ဟု ကျီဖန်ယင်းကို အထဲကို တွန်းရင်း ဒေါသတကြီး ရေရွတ်လိုက်တယ်။

ကျီဖန်ယင်းသည် အတွင်းရှိထိုင်ခုံပေါ်တွင် ကျော့ရှင်းစွာထိုင်ပြီး ခလုတ်အချို့ကို စပ်စုစိတ်​ဖြင့် နှိပ်လိုက်သည်။

'ဒီneo printစက်ကို ငါနောက်ဆုံးထိခဲ့တာ ဘယ်လောက်တောင်ရှိနေပြီလဲ'

ခြေတံရှည်သော ဘိုင်ကျိုးသည် တခါတည်းငုံ့ဝင်လာသော်လည်း သူ၏မြင့်သောအရပ်ကြောင့် ထိုင်ခုံနှင့် စခရင်ကြားတွင် သူ့ခြေထောက်များကို ချထားရန် နေရာမရှိတာကြောင့် အနည်းငယ်အဆင်မပြေဖြစ်နေသည်။

Neoprint boothများသည် ကျဉ်းမြောင်းပြီး အရွယ်ရောက်ပြီးသူ နှစ်ဦးက သူတို့ကိုယ်သူတို့ အတင်းတိုးဝင်နေကြသည်။ နောက်ဆုံးတွင် ဝင်နိုင်ခဲ့ပြီး လက်သီးနှစ်ဆုပ်စာသာ သူတို့ကြားတွင် ခြားနေခဲ့ပါသည်။