اليل و السهر و صوت الملحون وضحك البنات في رياض الادريسي ، مجموعين غي البنات مكاين حس الراجل كيدور عليها كل وحدة خدات راحة راحتها ، لي كانت محجبة مابقا بو حجاب الشعورات مطلوقين و لي غوب مقزبين و الميكاب و الالوان كل جوج شادين بعضهم كبهضرو و يضحكو و الخدم كيدورو بالمشروبات الباردة و الحلويات ....كانت مريام البنت البكر للحاج الادريسي شعرها كحل بحال التوت مابقاش كي كانت مقزب حد الكتاف بغات تبدل اللوك نيشان و طولاتو حتى انص ظهرها مابقات قربات للصباغة احتفظت بلونها الاصلي المميز كحل فحمي فيه لمعة تتبري بحال عويناتها الصغيورين فايضين حنان جمال هادي تيريج عين بنادم ملي تبشوفو ...جالسة حداها ماماها لالة لطيفة لابسة قميص بلدي فلون التفاح طالقة شعرها حتى هي و ساعة ذهبية راقية فمعصم يديها حاطة رجل على رجل اشمنك ياتاويل فالكلام و الشوفة و التبسيمة تتدوي مع مريام...
_ فيك النعاس الحبيبة ؟مالكي ؟
مريام ( بتعب ) عيت صافي نمشيو ؟
لطيفة ( هزات حاجب تتنهد ) ملي دوى معاك باباك فالصباح و نتي هكاك غي تتخممي و ساهية نساي عليك داك الموضوع احبيبتي و فوجي مع البنات شوفي سلوى كي ناشطة الله يحفظها ...
مريام : نو ماشي على داك الموضوع اماما كوني هانية...
لالة لطبفة ( استغلت الفرصة ) : اوى تتفكري فهدرتو ؟
مريام ( قلبات عينيها تتبسم مع وحدة تبسمات ليها ) و صافي اماما ماشي بلاصة هاد الكلام...
نغزاتها لطيفة بيديها تتسابس معاها و تبسم : وشوفي فيا و غي شوفي و جاوبني نهدرو راه ماتيسمعنا حد كلها ملهي مع المهاودة و الضحك غي نتي لي ساهية مرفوعة...
مريام ( تبسمات بزز ) وخا الالة هانا شنو باغية نقوليك...
لطيفة : سمعيني ابنتي و ماتندميش فكري و عطي فرصة لراسك الجوهر ديالي ، كمال تزوج و شاف حياتو حرام ضيعي راسك بسبابو ...
ردات عليها مريام بانزعاج : كمال ماعندو علاقة اماما انا نسيتو ...
لطيفة ( بضيق ) لا باينة ناسياه غي شفتيه داك النهار مع مرتو فالريسطو شداتك الخنقة و هجرتي مكناس سيمانة و تتقولي لا ناسياه تتضحكي عليا ولا على راسك هاا...
مريام ( قلبات وجهها تتنهد ) ماشي وقت هاد الهدرة...
لطيفة : وقتها و بزاف الا مادويت معاك انا الحاج غيدير خدمتو و راك عارفاه الا حط شي حاجة فراسو الناس كيستناو ردك ...واش تتفكري بجدية فالزواج ولا غي عاطية امل لباباك و قلتي ليه ان شاء الله نفكر....( كمشات عينيها فيها ملي شافتها تتدور عينيها ) غي شوفي فيا و هدري بشوية بيني و بينك ماعجبكش ياك ؟ واش ماعجبكش ولا غي حيت عندو بنت ، انا تنقول راه عزيز عليك زعما الولاد الصغار و عاد يتيمة مسكينة ، و كنتي باغية تبناي نتي بنت كاع غي ماكتابش ، ديري نتي خير فهاد البنت شفتها دخلاتلي للقليب ...
أنت تقرأ
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
