خرجات معاه هي و حنين لابسة عباية فوق ديك القندورة و حجابها ملوي على شعرها تتشوف بفضول و عقلها كل شوية تيرجع اللور تحاول تفكر واش شافتو شي مرة ووالو ماعاقلااش مرة ...كانت دارو فالطابق الثاني حطات رجليها لاول مرة للداخل تتشتف بعويناتها كي دايرة وهي مزال مامتيقة انو ساكن فنفس العمارة تتسول راسها من فوقاش ؟ زعما يشوف شافها شي مرة مع كمال ؟ عليها مابغاش يطول الجلسة معاها فدارها و جابهم لدارو ؟ كانت الدار ديال راجل عزابي بيت النعاس و فراش فالرمادي و الاسود باين ماتيكونش فيها بزاف... شافها تتشوف و تفحص بعينيها مستغربة و قالت ليه ...
_ دارك زوينة...
هز حاجبو بشبح ابتسامة و قال ..
_ اذن رتاحي..
تبسمات ليه و زادت خطات خطوة للصالون جلسات فيه محيدة حجابها حتى تطلق شعرها و عرات العباية ..اما هو دخل نيشان للدوش يدوش عليه و يبدل حوايحو بقات مريام مع حنين لي تتقلب بعينيها على الهدايا و تنوض لبيتو و تعاود تخرح واخدة راحتها...عكس مريام لي جالسة متبتة تتستناه يخرج و تلف فالتليفون ديالها حتى شافت حنين خارجة من البيت هازة صاشيات كبار فيديها كل واحدة و شنو فيها حطاتهم فوق لاطابل و عاودات دخلات خرجات وحدين اخرين و مريام تتضحك على تعابير وجهها...
_ بشوية عليك ...
حنين ( تبسمات معاها بحماس ) نشوفو شنو جاب بابا ...حتى نتي جاب ليك ؟
مريام ( هزات كتفها ضاحكة ) ماعرفتش الالة حنين ..
حنين ( بعفوية ) انا ديما تيجيب ليا ..
تبعاتها مريام بعينيها وهي مبتسمة بهدوء موسعة يديها على المخدة كي الملكة و اليد الاخرى فوق كرشها فرحانة و راشقة ليها و القلب فرحان تيصرد الفرحة لعينيها باش تلمع و تنور وجهها...بقات تتشوف فحنين لي تتفتفح وحدة ورى اخرى شي خمسة غي ديالها فرحات بيهم و مشات نقزات تتفتح وحدة اخرى محطوطة فوق لاطابل غي شافت فيهم داكشي كبير عليها و خمارات بالالوان ماعاوداتش قلبات فيهم غي شافت فمريام و قالت ...
_ هادو ديالك و حتى هادي و هادي هادشي كلو ديالك ...
مريام ( بذكاء ) نتي جاب ليك كثار مني انا ..زوينة ديك المونطخ لي جاب ليك انشوفها ..
حنين وراتها ليها بفرحة : هادي ؟
مريام : ممم زوينة جااادوووغ حمقاتني....
بقات تتفرنس وهي ساكتة جمعات ديالها و خلات ديال مريام لي مابغاتش تشوف شنو فيهم حتى يخرج هو من الدوش شافت العصر قريب و ناضت لبسات حجابها ثاني و العباية ديالها صلات و رجعات جلسات حتى خرج هو بعد فترة قصيرة خرج مدوش و شعرو منشف فيه لمعان النقاوة ..لابس تريكو فالنواغ و سروال سيرفيط فالكري شافت فيه و قالت...
_ بالصحة...
عبد الهادي : الله يعطيك الصحة ( شاف فحنين بجدية ) حنين صليتي الظهر....
حنين ( تترمش ) باقي..
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
