مريام ( مزال تأثير العلاقة لاعب عليها زاعمة عليه و حتى هو تتعجبو هكاك ) وليت تننسى سميتي مريام ماشي مريم ...
عبد الهادي ( تلمس وجهها بظهر يديه تيتمعن فوجهها بنظرة رجل لمراتو ) شكون قاليك ديري الحجاب ...
مريام ( تبسمات ) ماعرفتش جات فجأة السبت كنت فواحد الصواغي بالشعر الاحد صبحت محجبة و وليت ماتنقدرش نخرج بلا بيه...
عبد الهادي ( شاف فعينيها تيفكر و يحلل ماتعرف حتى فاش تيفكر و فاش دوى قال ) و لكن هذا ماشي حجاب شرعي ..
مريام فهمات تلميحاتو و قرمات بقات غي تتدور فعينيها عايقة بيه ، حتى هو دار شبح ابتسامة و تقلب على ظهرو مرجعها لصدرو تيبوس فيها للمرة المليون ...بعد فترة قصيرة كانت جالسة فوق الناموسية حداه لابسة تريكو ديالو منو للحم و لي كادو فوق الناموسية تتشوف شنو فيهم مبتسمة و عنقها كلو مزوق وشعرها فازك و ريوس صدرها قرابين يتقبو ليه التريكو... فتحات اول واحد لقات فيه خمار ماليزي من كل لون حمقوها الالوان هزات عينيها فيه لي مجبد حداها و يديه مدورين على خصرها تيتلمس فيه و يهبطهم حتى لفخاضها مابين النعاس و الفياق و قال..
_ جربي تلبسيهم...
تبسمات و زادت تأكداات من تلميحاتو و كثار فاش شافت ليكات ديال اليدين بيضين بالدونتيل حمقوها ...
_ حتى انا تيعجبني هاد النوع ديال الخمار وخا عمرني جربتو تنشوفهم على بنات ماليزيا المحجبات تيجيو زوينين...و لكن هاد الليكات علاش ؟
رجع ليها شعرها الفازك ورى عنقها و قال بشبح ابتسامة كسولة ..
_ من البرد مثلا...!
ضحكات بنعومة و دورات عينيها بحياء تتلعب بديك الليكات بين يديها حمقوها وفين مايبهط شعرها حاجب يشوف وجهها تيهزو ليها بلا عجز حاضي ابتسامتها وهي تتفتح الهدايا ، شلا هدايا آخرين جاب ليها مكانة ديال اليد من النوع الفاخر و اخر حاجة فتحاتها كانت عقد من الذهب الأبيض و الالماس معلقة فيه سميتها بالخط العربي مكتوبة مريم ماشي مريام و النقط ديال الياء معمرين بحجر زفير فالازرق بشكل ملكي تيسرق العين...بقات تتشوف فالعقد باعجاب و كثار دوك الحجيرات سرقو عينيها ...هزات عينيها فيه و سولاتو بنعومة..
_ حجر زفير ؟
هز راسو بالايجاب بهدوء حتى تبسمات بفرحة وهي تتقرا البطاقة الخاصة بالعقد شحال وزنو و نوعو و نوعية الحجر و وزنو....حنين غي فاقت مالقات لا مريام لا عبد الهادي حتى قربات لبيتو تتسمع اصواتهم تيهدرو ... رجعات باللور مابغاتش تصنت عليهم و ربعات فوق الكنابي حانية راسها معبسة و بقات تتستنى فيهم شي ساعة حتى قشعات مريام خارجة لابسة تريكو ديال باباها لي كان لابس...تبسمات معاها مريام و قالت وهي تتشد الباب وراها...
_ فقتي بالصحة النعوسات...
حنين ( حنات عينيها تتدور فيهم و تطلع و تهبط فيها غي بنص عين حتى قالت ) فين هو بابا...
مريام : باباك ناعس تيرتاح...حنا نلبسو علينا حوايحنا و نسناو باباك يفيق باش نخرجو مع بعضنا داكووغ ؟
حنين ( حنات راسها ساكتة )
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
