كيف قال الحاج العراقي ، هاد اليلة غتبقى مرسخة فالاذهان و ماتنساش...دازت اليلة و بقات سيرتها على كل لسان فديك العائلة...و كان بطل الحديث هو عبد الهادي و البطلة لالة أصيلة ...، نطقات العمة باعجاب...
_ الراجل تبارك الله تختارو غي هو وسط الرجال ، ثقيل و مرزن و بفلوسو و بخيرو ...
نطقات بنتها و عينيها فالتليفون ديالها : كتبت سميتو فقوقل طلعات ليا ، شوفي الصور ديالو مع الشخصيات المهمة هذا مع حاكم دبي ...
لطيفة ( بفضول ) عطيني نشوف ...اه ولاهيلا هو تبارك الله مشاء الله ...
الجدة نجمة حاطة يد فوق يد ماعاجبها حال : فين هو موسى يجي يفهمنا كيفاش هاد العقد بعد 15 يوم...ماغاديش يحضر عمها علي على هاد الحساب اوى صافي...
لطيفة : خلي داك الموضوع من بعد الحاجة حتى تهبط مريام...دابا قولينا كي جاك السيد...
الحاجة نجمة : السيد باين معقول و رزين وولد العز و لايني عاز راسو بزاف و باين شخصيتو صعيبة و ماشي ساهلة و مريام ديالي ماتقدش عليه ، هي حنينة و هشيشة ولايني هي تعرف لراسها حياتها هاديك ماشغلناشاي ...
نطقات فاتي مشاركة الحديث : مانقدروش نحكمو على السيد و حنا مامعاشرينوش ...حتى باباه بحالو باين عندهم نفس الكراكتير ...
لطيفة : داكشي لي كاين ، المظاهر خداعة ...
فاتي ( حابسة الضحكة تتهمس لسلوى ) صافي الحاجة نجمة حقدات عليه فاش ماطولش معاها الهدرة جاب ليها تعفر عليها ... شفتيها الليلة كلها وهي قالبة عليه وجهها و معفرة و تتشوف فيه غي بنص عين...و مابردات شوية حتى سلم ليها راسها فاش كان خارج ، عاد عجبها الحال و زيان ليها فعينيها شوية اما كون ماخلات فيه غي لي نسات ....
سلوى ( ضحكات) لاماشفتش هادشي نتي خطار هههههه...
زادو ضحكو فاش نطقات الحاجة نجمة : و علاش طلق سولو الحاج علاش طلق ؟...
لطيفة ( ماشية معاها قد عقلها ) : بلا مايسولو الحاج منو لراسو قالها ليه نهار دوى معاه كان مزوج بها روسية و العقليات مختلفة شافو راسهم ماتفاهموش و تفارقو وسبحان الله ماكتابش ليها تعيش و ماتت ..غي هني بالك و دعي الله يكمل عليهم بالخير و ياربي يجيب ليها التيسير و راحة البال ...
الحاجة نجمة ( بالنفخة ) اوى نطلبو الله ...هو ولد زين و غزال و لايني صعيب صعيب بزاف....
سمع الحاج الحوار و بقى غي كيدور فعينيه ، قلب على مريام مالقاهاش معاهم ...و خرج كي دخل بصمت طالع تيقلب عليها حتى لقاها فالبيت تتبدل عليها... فتحات ليه الباب ناطقة بهدوء...
_ بابا ...باغي شي حاجة ؟
الحاج ( جلس فوق الناموسية تيمسح جبهتو من العروقات ) كل الخير....جلسي حدايا و سمعي...
جلسات حداه مريام تتشوف فيه باستغراب...
_ ياك لباس...
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
