بارتي:359
ديك الدردشة ولو قصيرة ريحاتها شوية كانت هازة فقلبها حتى حاولات تنسى و تلهى ثاني وشحال حاولات و دارت فجهدها غي بقات بوحدها جاتها داك الخنقة و التزيرة لي تتجيها بلا بيه فكل مرة ، بقات تتقلب و تقلب مرة لليمين وو الشمال و راحتها مالققاتهاش و حتى النعاس جاها فشكل ! ولفات ليلها معاه و فراشها معاه ، داك الدردشة ديالو معاها وقت يكونو الراس فالراس ، الابتسامة ديالو معاها تفاصيلو لي منقوشة ليها فالقلب ...دابا حسات بحال الا عمرها نعسات هنا و تبدل عليها الفراش ! الحاصول راحتها مالقاتهاش و مابغاش يجيها النعاس...قربات مشكلة بعدات عليه مشكلة اخرىى!! جلسات جالسة حاضنة ركابيها مسندة عليهم راسها تتجري عليه من بالها...!اول ليلة غيدخل للبيت وهي ماكايناش فيه... دخل عادي شاف هنا و لهيه و لقى غي البرد تيضرب فيه ، الولف ماشي من طباعو المعروفة ! ماتيدخلش بنادم لقلبو ملايين البشر تعرف عليهم و عاشرهم و فاش تيغيبو عادي الحياة هكا غادية ! الا ضاعت ليه شي حاجة ماتيبقاش يفكر فيها ! ولو يكون ضارب فيها شهور د البحوث و الاعمال مشات الله يخلف ...و عدد الناس لي قراب ليه بصح و عششو ليه فالقلب قلال على رؤوس الاصابع ! و اولهم حنين !
أما حكايتو مع مريام كان حكاية اخرى ، زواجو بها كان محركو العقل و القلب كان فسبات عميق حتى فيقاتو منو بلا مايحكم العقل ! يمكن وقتها كان العقل واخد شوية راحة حتى غفلو القلب و دخل عليه ضيف غريب لاول مرة !! داك الضيف نعشو و ريحو و حيت عمرو دخل ضيف غريب عليه خايف يولف عليه و يجي نهار و يمشي ! واذا خلاه و عطاه سكن دائم فالقلب يقدر يسرقو و يجري على سكانو القدام ! ساعتها يفيق العقل و يحرك الضمير و الندم و تقوم حرب و فوضى الاحاسيس...عينيه الفحمية تحطات على قلم العين ديالها باين منسي ولا طاح ليها ! تيعرفها عزيز عليها النظام و بحال هادشي مايفلتش ليها...هزو بين يديه تيشوف فيه و رجع حطو بهدوء...دخل للحمام دوش عليه و بدل عليه و خرج من داك البيت البارد و لي ماجاه بارد حتى هجراتو لي كانت مدفياه....!!
بارتي:361
ملامح الطفولة على وجوههم بدات تخلط بملامح المراهقة و العيون تتلون بالمكر و الشقاوة و حب المعرفة و الفضول...و خاصة الذكور ! اما البنات كانو حشمانات. تيشوفو غي بنص عين ...و كاين لي تيسمع و يشوف و تيحفظ و داكشي ماعندوش ليه صورة واقعية فخيالو بحال حنين لي جالسة كي الامانة بوحدها فالصف الاول..كانت عندهم حصة التربية الاسرية في درس البلوغ و التغيرات لي تتوقع على الجسم و المعلمة تتوريهم على السبورة الالكترونية تخطيط لجسد راجل و مراة و كل واحد و شنو التغيرات لي تتوقع ليهم فالجسم ديالهم.....تتسمع غي الضحك و التوشويش و البنات حشمانات و واحد البعلوك جالس تيشد فصاحبو و يقول ليه..
_ نتا عندك الزغب تما ؟نطقت الأستاذة بصرامة : ششش شوية احترام الله يخليكم ..شكون لي لاحظ هاد التغيرات فالجسد ديالو ؟ ( ناضو تيضحكو ) هاد الموضوع مافيهش الضحك....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...