شاف فيها فديك اللحضة و رسل ليها ابتسامة من عينيه ، ردات عليه بابتسامة لمعت فيها عيونها و رسمت خدودها و بسطت شفايفها بنعومة ..قال بعد فترة صمت طالب يسمع صوتها الدافي بدون تصريح ...
_ كيف حال حرف الكاف عندك ! لباس عليه ...شافت فيه بين رموشها الكثيفة و تلاقات مع عينيه فنفس الثانية تبسمات و ردت ..
_ لباس ولى حسن من قبل ...طول الشوفة فعينيها لحظات قصيرة و رجع شاف قدامو مركز مع السوكان...
_ و باقي الحروف ؟مريام : تنشوف كاين تحسن على قبل ...مزال عندي مشكلة فحرف الهاء ...
حسات بيديها محكومة تحت يديه المهيمنة ، و فكل مرة تيرمي العين عليها تيحطها عن قصد لعينيها خاطف شوفة لداك الرمش لي طايح تحت عيونها ، كاين رجال تيتجدبو بالمرأة من مفاتينها البارزة الصدر و المؤخرة و الفخاض والعكار مطراسي الفم تيبقى محول العين معاهم ... ماتقدرش تصور راجل يجذبو و يشتت تركيزو منظر رمشة صغيرة كحلة فالتة من خوتها و محطوطة اعلى خدودها ...ماشي اول مرة يشوفها لثاني مرة تيرد البال لهاد التفصيلة و عجباتو ...النظرة الاولى كانت مخطوفة و محرمة و الثانية حلال...!
وصلو للمؤسسة ففاس ، خرجات من الطموبيل رامية المونطو على كتافها ، وقفات ستناتو حتى جاب الملف ديالو و زادو حاط يديه ورى ظهرها داخلين مع الباب رمى عبد الهادي السلام للحارس و رد عليه السلام و قال...
_ و عليكم السلام اسي العراقي , مرحبا مدام العراقي مبروك عليكم الله يكمل بالخير.....عبد الهادي : امين..
مريام : بارك الله فيك شكرا سي علي ..
عبد الهادي : شكون حاضر ؟
سي علي : سي العمراني و موسيو دانيل من كينيا ممثل المجموعة ...المسؤول قال مزال عشرين دقيقة على بداية الندوة....
دخلات مدام فائزة و صالحة فنفس اللحضة شافتهم مريام تبسمات معاهم قبل ماينطقو هوما...
_ السلام عليكم...ردو السلام بجوج بيهم و دار شاف فمريام ناطق بهدوء مهبط راسو لعندها شوية مانح شوية خصوصية ليهم....
_ عندي اجتماع مع ممثل المجموعة ، ظلي معاهم...تبسمات هازة راسها بفهم ..: وخا ...
خلاها معاهم و مشى ، عاد خداو راحتهم هوما و صالحة تسرح ليها اللسان و لي كانت جامعاه هاد السيمانة فاش عرفات بالخبر طلقاتو دابا فاش دخلو لمكتب فائزة ...
_ كان الما دايز من تحتنا و حنا ماسايقين خبار ... والله فاش قريت الخبر بقيت نهار كلو مصدومة ههههه..مريام (تبسمات ) لهاد الدرجة ؟ ...
فائزة ( شافت فيهم تتضحك ) غي نتي ماكنتيش حاسة ، اما انا عيوني شافت كلشي و حسيت بها شحال هادي و لي كان فبالي وقع هههه
صالحة : مبروك عليكم و الله يخليكم لبعضياتكم ، اخيرا سي العراقي ودع العزوبية هههههه
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...