الخيوط تتشبك والقلوب تتقرب ، كلها تيخطط فجهة و كل قلب واش حاب و عقل فاش تيخطط ، لكن القدر ليه كلمتو و المكتاب تيتصرف ...! ! دخلات للمؤسسة مع فائزة سي العمراني راجل كبير فالخمسينات من عمرو ، بشوش و عينيه ضاحكين هاز حقيية دالجلد فيديه و العرق تيزرزر من جبهتو ..خلى مريام تبرزط بلاصتو..
فائزة : مريام مرحبا بيك مرة اخرى ، غنحط بعض الملفات عند سي رشيد و غنجي على مايجيو باقي الطلبة ...
العمراني ( شاف فساعتو ) باقي ربع ساعة و غنبداو ..استاذة مريام واجدة ؟
مريام ( بحماس و كلمات تتفليهم فلي لا تخرج شي كلمة بالفرنسية تبان سخفية حداهم ) اكيد واجدة سي العمراني...
فائزة ( باستفسار ) سي العراقي غيحضر اليوم للانطلاقة و يتعرف على الطلبة ؟
العمراني : لا للأسف ، يمكن 15 فهاد الشهر غيجي زيارة ...
فائزة ( ضحكات بمرح ) اذن حظ موفق و الله يعاونكم ...
مريام ( عاد رتاحت ) شكرا حبيبتي الله يعاونك....
دازت عشردقائق كان داخل واحد القاعة ، دايرة بحال شي معرض للخط العربي كلو طابلوات الحروف و خطوط عربية و خزانة قدها قداش من الطرف للطرف كلها كتب و جهة اخرى للادوات الهندسة و جداريات بيضة ...قاعة كبيرة و مجهزة ، كانت اول حصة للتعارف ...ماكاينش تما حس شي برهوش كلشي كبير و بعقلو و اغلبيهم ميسورين الحال ، كانو عشر ذكور و ستة نسا اربيعينيات من غير مريام و واحد البنت اخرى كانت عشرينية شافت فمريام ابتسمت معاها و ردات ليها مريام الابتسامة و بدا التعارف عرف العمراني براسو و داك المنديل فيديه كل شوية تيتفف بيه فوق راسو و يحط يديه على كرشو ترتاح .. حركاتو تتجيب الضحكة بلا ماتحس ، لكن من باب الوقار و الاحترام الواحد يلتزم حدو و يحشم ...شافت داك البنت فمريام كان كرسيها حدى ديالها ابتسمت ليها و بدات تودد ليها حيت هي لي شافتها قريبة ليها فالعمر...
_ سميتك زوينة مريام ...
مريام ( ردات ليها الابتسامة ) شكرا حبيبتي...
سلمى : نتي فاسية ؟
مريام : لا مكناسية و نتي من هنا من فاس ؟
سلمى : وي فاسية ...
مريام : متشرفين ...
سلمى : الشرف ليا ...واش عندك شي معرفة مع سي العمراني من قبل ؟
مريام ( باستغراب )غي مؤخرا تعرفت عليه مع مدام فائزة...
سلمى ( بفضول ) مدام فائزة صديقة ماما ..سي العراقي تتعرفيه حتى هو؟
مريام ( ابتسمت بمجاملة ) لا ...
سلمى : سمعتي عليه قبل ؟هو المؤطر ...
طال الحوار بيناتهم و سلمى هدرة جوج تتجبد العراقي على فمها, فعينيها لمعة و لهفة وقت سميتو تتخرج من فمها ، الاعجاب لي شافتو فعينيها و هي تتسول عليه وصل ليها و طيراتو طايرة و ماجاتهاش عجب و لا غريبة ، من اسمو و شخصيتو و السيرة ديالو لي تتجبد تتخرح معطرة من الفم ..الانجازات و الثقافة و الفنون ديالو ، و الرزانة و الحكمة زائد عندو وساااامة باين للعين مايقدر كاذب ينكرها ...نفس الاعجاب لي وقعت فيه سلمى ..وقعت فيه مريام من نهار الندوة و لا لعقلها القدرة على الاعتراف ...!
بدا سي العمراني الكلام ديالو على الخط العربي و التاريخ ديالو بلا تفاصيل مملة...تيتبسم بحال تيتذوق جمالية التاريخ ...حتى سالا و قال بابتسامة بشوشة....
_ فالنهاية ماكاينش ماحسن من الخط العربي ...كيف قال المأمون الخليفة العباسي :
ČTEŠ
🍁قيد العراقي 🍁 (طور التنزيل )
Dobrodružnéقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
