جات تدوي سبقها هو
_ رتاحيتي ؟مريام ( غمضات عينيها بحرج من هاد التصرف لي دارت ماحملاتش راسها ) عبد الهادي سمعني ..
عبد الهادي ( بجدية ) هذا هو التصرف الصحيح بالنسبة لك مريم ؟ راضية عليه !
مالقات ماتقول من غير السكات ، اللوم فكلامو ثقل ليها لسانها و دمع ليها عينيها وهي على سبة ، ماتقدرش تدوي فديك الحالة حيت ماتتعرفش ! الدموع فاش تيغلبوها تتزبلها فالهدرة..عارفة راسها كي دايرة و تتكره راسها هكاك....
عبد الهادي ( بجدية ) سولتك سؤال ! مستني جوابك ! هذا هو لي شفتيه مناسب ؟ تخرجي بلا ماتعلمي حد ؟! انا منعتك شي مرة من الخروج ؟
هزات راسها بالنفي و عينيها غراقو بالدموع ...
عبد الهادي ( سكت شحال عاد قال بهدوء ) هاد التصرف اخر حاجة كنت نتوقعو منك نتي بالضبط ...
كلامو ركلها لقلبها و سيل دموعها على وجهها ، قلبات وجهها و قالت بنبرة مخنوقة بالبكا لي غلبها :
_ من حقك !!عبد الهادي ( بجدية ) هذا هو جوابك ؟ علاش كتبكي ؟ شفتي مني شي حاجة ضراتك قوليها ! كوني معايا صريحة امريم ...
الحل الوحيد لي تيكون فيديها فاش تتكون فديك الحالة وهو تهرب ! تخطاتو باغية تمشي للبيت لقات دراعها تحت يديه قلبها لعندو و الشك فراسو بدا يتحول ليقين من ردة فعلها ...
مريام ( بانهيار ) انا مانقدرش ندوي دابا عفاك اعبد الهادي ماقادراش و ماباغياش ندوي...باغية نبعد باغية نرتاح منك انا مخنوقة ماحاساش براسي مزيان انا ماشي هكا...غنمشي عند ماما ! باغية نمشي عندها ...زير على دراعها بلا مايحس بحال الا غتهرب منو الا طلقها حتى حرقها و حاولات تهرب يديها منو و ماقدراتش شاد فيها بقوة كي نبرة صوتو وهو تيقول : علاش ؟ شنو السبب ! طالب جواب واحد ..علاش كتفضلي تهربي ! واجهيني بالمشكل ...
عرفاتو شك ولا عاق كاع بالمشكل لي عندها و لي عطى الله عطاه ، ماحملاتش راسها قدامو ولا تبان عندها مشكل معاه حيت مشاركة معاه بنتو و ماتيجيها فحقها غي وقت قصير ماتيخليهاش تروي حرمانها منو ! هي ماشي هكا و عمرها كانت هكا كيفاش ماغاديش يفهمها غلط اذا كانت هي براسها مافاهماتش راسها....خلاتو هكاك و حنات راسها تتبكي و شعرها طاح مع وجهها رحمها فداك اللحضة حيت ماقادراش تشوف فوجهو...
خلاتو هكاك و حنات راسها تتبكي و شعرها طاح مع وجهها رحمها فداك اللحضة حيت ماقادراش تشوف فوجهو...
_ ماباغياش ندوي دابا عفاك. ..ماقادراش اعبد الهادي الله يخليك....هي تتهرب ! وهو تيواجه من اول مشكل بيناتهم كان تيحاول يحطو نيشان بلا مايخبي و يخلق فيه حوار و ماعمرو طول الخلاف بيناتهم ...هادشي ردات ليه البال و ماتقدرش دير بحالو وهي فديك الحالة...عرفاتو ماغاديش يبعد و تأكدات فاش هز ليها راسها و واجه عينيها بعينيه و بهدوء و قال...
_ مشكلتك مع حنين ؟
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...