الندوة كانت غير على لي سبقوها هاد المرة كان بصفتها مراتو ماشي طالبة عندو ، تلاقات مع وجوه بقاو تيشوفو فيهم حتى تفارقو هي مشات مع فائزة وهو انضم للرجال ...جات عندها سلمى بابتسامة صفرا مزال ماتبلعات ليها خبر زواجهم و التحشيمة لي تحشمات معاها فاش كانت تتغزل بيه حداها وهي ساكتة ، تتقول كون كانت بيناتهم شي حاجة ماتسكتش تدوي ولا تقول شي حاجة مانت باردة و هادئة ماتقولش تتدوي عليه عليها حيدات فكرة ارتباطهم من بالها حتى تصدمات بحالها بحال البقية....
_ لالة مريام الغزالة لباس عليك ..
مريام : اهلا سلمى كي دايرة لباس...
سلمى : الحمد لله احبيبتي ، مبروك عليك مرة اخرى فرحتنا كانت مضوبلة بزواجكم نتي و سي العراقي بجوجكم عزاز ...
مريام : شكرا الله يكثر من فرحتك ...
سلمى : امين ...غادية لكينيا مع سي العراقي ياك ..
ردات فائزة هاد المرة تتضحك مع مريام: كنظن لا ولات محسوبة عليه ماشي علينا غتبع قرارو أكيد......
مريام ( تبسمات ) يمكن وخا مزال مافهمت والو فهاد القرار
فائزة : ماعلمكش من قبل ؟ انا كنت تنظن فخبارك ...
مريام : لا مادويناش فهادشي حتى اليوم...
سلمى : فهموني شنو الجديد ...
فائزة : ماشفتيش برنامج الرحلة ! غيرافقكم سي جعفر و محمد اليمني و الزوجة ديالو مع سي العمراني حيت سي العراقي غيظل ثلاث ايام و غينساحب لاسباب شخصية هذا هو ملخص الاجتماع هههههه...
سلمى ( شافت فمريام لي تتحرج من ديك الاسباب الشخصية لي تتحسهم تيعنيوها بيها عن قصد ) ماعليش المهم عندي هو مانضيعش الرحلة متشوقة ليها...
تحركات كل وحدة جلسات بلاصتها و الندوة بدات ، مع غياب الملل ...هاد المرة شوفاتها ليه كان فيها الاعحاب مصرح للعلن ، هاد الشخص تيكون الزوج ديالها و خاتم زواجها بيه مزين يديها لي مزال يديها دافيين من لمسة يديه و قلبها تيرجف من لمسة بشرتو على ديالها ...احتكاكها بيه اليوم و حواراتو معاها القصار حسات بيهم كانو لصالحها و لصالح علاقتهم بدات تتحيد شوية الدهشة و الخجل منو ، و قلبها زاد رتاح ليه ...كان يوم اخر انضاف لقائمة الايام المميزة فحياتها مع هاد السيد ...! وصلها لحدى باب الدار و كان الظلام طاح...حيدات السانتيغ شادة الجاكيط على كتافها لاطيح ..شافت فيه نص شوفة و قالت بابتسامة ناعمة ..
_ دخل تعشى معانا ؟...
عبد الهادي : مرة اخرى ان شاء الله...
مريام ( نزل عليها الارتباك بدون سبب ، مدات ليه يديها و قالت) تصبح على خير...
صافح يديها بيد وبصبر مغلف بجدية قال....
_ تصبحي على خير...
فتحات عيونها على الشميسة مع طلوع النهار ، هبطات بروح فتاة فبداية العشرينات طالة عليهم بالزهري ...
_ صباح الخير...
JE LEEST
🍁قيد العراقي 🍁 (طور التنزيل )
Avontuurقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...
