وقف جنب الفراش تيبدل عليه حط الساعة ديالو هي لولا ، فتح صدايف القميجة يلاه غيحيدها سمع صوت البكا ، وقف يديه مستغرب و خلى القميجة مفتوحة على صدرو العريض حط ركابيه فوق الفرش حتى حساتو مال بيها لجيهتو ، و تحنى لعندها محيد ليها الغطا فوق راسها ناطق سميتها بنبرة خشنة مستغربة...
_ مريم !شعل ضو خفيف باش يشوف مالها ، هز ليها راسها عرقانة و باكية و رموشها تعانقو مع بعضهم بالدموع ..عقد حجبانو ووسولها بقلق ..
_ علاش البكا ؟ شنو صرى ...زيرات على الفراش تحتها مخبية وجهها فالمخدة و قالت ليه بصوت ضعيف عيان ..: والو فيا حريق ليغيكل...
الاستغراب بان فعينيه لي تيشوفو فيها باهتمام و قلق لحالتها ، مسح على جبهتها العرقانة وهي تحت منو مكالي بيد وحدة...
_ عادي يكون هذا كلو حريق ؟ كتشربي شي حاجة نجيبها ؟زيرات على كرشها تتحك رجليها مع بعضهم و غمضات عينيها بالحريق و هزات راسها بلا ...
_ غيمشي الحريق دابا شوية مولفة هكا ...كون ماكانش هنا كون بردات على راسها بالغوات و البكا و الشهيق ، كتمات داك الحريق عندها حتى عيات و طلقاتها للبكا و الشهيق تقول تتولد ، زيرات على القميجة ديالو المفتوحة بيدها حتى جراتها لعندها تتلوى و ترجع راسها اللور تتقطع ، عقد حجبانو كثار و حنى راسو لعندها تيحيد ليها شعرها الفازك من على وجهها ..
_ مريم متأكدة هذا حريق طبيعي ؟شافت فيه تتبكي و تزيد تزير عليه لعندها مامسوقة لوالو هاد الساعة ، شاف يديها الاخرى على كرشها تتزير عليها ، تلقائيا دخل يديه مع كرشها كانت يديه باردة فوق لحمها فزعاتها حتى خشات راسها فصدرو ، دور يديه عليها حتى جابها لصدرو كثار و سخن يديه مع لحمها تيظغط تحت ظهرها و تحت كرشها و كل شوية تيحيد ليها شعرها لي تيهبط على وجهها المخشية فصدرو تيحس بيها سكتات من البكا غي رجليها لي تيتحركو شوية و يديها مرة ترخف عليه فاش تيمشي الحريق و مرة تتزير عليه فاش تيرجع ..! وقعو احتكاكات بينها و بينو و ماكانتش مسوقة ولا تتديها همها فكرشها لي تتقطع ، و لكن فاش جات ركبتها بين رجليه تزاد الحرج مع الحريق مع كلشي و لي بيها زاد .
حس بيها تحرجات و بعدات رجليها وهو راد البال للصغيرة و للكبيرة و بالو مع يديها لي تيعرف بها واش مزال الحريق ولا مشى ، سخن ليها كرشها بيديه و استحلات الراحة لي نزلات عليها بعد ثلاث ساعات ديال الحريق عندها ماتعيشها كل شهر الا ماشرباتش الدواء...! جاها واحد النعاس حلو بعد الحريق و تيطيرو ليها فاش تتحس بيه راجع لثواني و كيمشي حتى نعسات و دموعها تيقطرو على صدرو العاري ...!خلاتو فايق فالظلام و شعرها رطب مرمي فوق صدرو ! طوى يديه الاخرى فوق جبهتو رجل طاويها و الاخرى طالقها و غمض عينيه تيتعوذ من الشيطان و يقرا القرآن فنفسو عاد خداه النعاس مضيع عليه صلاة الفجر....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...