جويرية ( بقات فيها ) وهانتي قلتيها ..علاش ابنتي تتقابليه بالسبان و الغوات كيفاش بغيتيه يرد عليك...نتي تتبغي تخليه يشك فيك و يقصح راسو بلعاني كديريها ليه ! علاش ماتجلسيش معاه و هاد الهدرة لي قلتيها ليا تقوليها ليه ،حيدي هاد القصوحية ماغاديش تنفعك معاه، عاصم بكلمة منك غيرجع كلشي حسن من قبل ..
سكتات صفاء حانية راسها و دموعها تيقطرو فوق وجهها ، مابقاتش جاوباتها عطاتها غي للبكا و قرمات ماشي من النوع لي تيفتح قلبو و يبين ندمو و لا ضعفو و فاش كديرها تتندم من بعد كي وقع ليها دابا..عليها ضربات الطم مخلية جويرية تتنهد ..
_ رتاحي حبيبتي ...الله يفرجها عليك.حاولي تصفي قلبك و مرة مرة خوي شنو عندك ماتخزنيش ..مريام بنت معقولة الوجه لي عطيتيها تتردو لك ..ماتبقايش تعاملي معاها هكا غتجي برانية لهنا ماتتعرف حتى واحد من غيرك ...صفاء ( تبسمات باستهزاء ) ماتخافيش عليها مريام، تتعرف مزيان كيفاش دير بلاصتها مايقدر حتى واحد عليها بعد ماولات مراة عبد الهادي المفضل و العزيز على الحاج و على سي عبد الغفور و و زيد غتجيب ليهم حفيد ، ..انا لي نخاف على بلاصتي ماشي هي ...
جويرية مابغات تزيد معاها فهاد الحوار تنهدات و خلاتها ترتاح و خرجات تمتم بينها و بين نفسها ..
_ لاحولا ولاقوة الا بالله....حسات صفاء براسها رتاحت و خوات قلبها وخا ندمات علاش دوات و لكن خفاف عليها شوية الهم و الغمة لي مزيراها...ناضت لبسات عليها غوب نواغ انيقة و سندال عالي و شعرها مطلوق وقفات حدا المراية تتشوف فوجهها..عندها حقها من الزين و تتكون زوينة كثار فاش تتبقى طبيعية كان عندها لون شعرها غزال تيحمق ماكانش تيعجبها كيت كان تيعجب عاصم ! كل مرة صابغاه بلون ..و كل مرة بعدسات ..فاش تتبقى طبيعية بلا ميكاب وبلا عدسات تتكون زوينة و مسرارة ! رشات ريحتها مخلية وجهها طبيعي وهي تتختار اكسسوارات ديالها جات عينيها على خاتم زواجها ..بقات تتشوف فيه ووجهها جامد هزاتو و لبساتو و خرجات تتقرقب بداك الطالون و حجبانها معليين للسما ، لقات العائلة جالسين مجموعين غي شافت خليل تبسمات و حتى هو ناض واقف درعها لعندو مبسم بهدوء قدام العائلة تيترزن ...
_ كي دايرة لباس عليك...صفاء جلسات حداه متكية على كتافو بابتسامة : الحمد الله .. سمعتك جيتي ماحسابش ليا نلقاك هنا هههه
خليل ( غوبش من لون شعرها ) شهاد اللون دايرة !
صفاء ( بعدم اهتمام ) عجبني و درتو ...
خليل : بغيتي تولي زعرة بزز ...
صفاء ( تبسماات وهي متكية على كتافو ) شش خلينا نسمعو الحاج شنو كيقول...
خليل ( همس ليها ) عنداك تنعسي ... مريم جاية اليوم مع عبد الهادي...
صفاء ( عقدات حجبانها و بقات ساكتة شحال عاد قالت ) ماسميتهاش مريم ، ميييريااام سميتها....
YOU ARE READING
🍁قيد العراقي 🍁 (طور التنزيل )
Adventureقال لي من أنت ..؟ فقلت لا يغرنك جرئتي في الكتابة .. فتلك التي تمسك بقلمها .✍...لتدون لك كل هذا الحب ليست انا ...!! انا إمراة خجولة في الحب . ...تختبئ خلف ستار الكلمات ...تحمر خجلا من نظرة ...فما بالك من كتابة الغزل والمطالبة به ... تتلعثم أمام إع...